Kreu i degës së Partisë Demokratike në Krujë, Aulon Kalaja, ka denoncuar publikisht presione të dyshuara të policisë n...
AKTUALITET
Video/ Mot i keq dhe reshje dëbore, “Rrugorja” apel shoferëve: Respektoni sinjalistikën
PiranjatPërditësimi i fundit 23 Nëntor 2025, 11:15
Moti i keq me reshje të dendura shiu në të gjithë vendin dhe dëborë në disa zona ka sjellë vështirësi në qarkullimin rrugor, duke shtuar rrezikun për aksidente. Për këtë arsye, shërbimet e Policisë Rrugore dhe Patrullat e Përgjithshme kanë rritur prezencën e tyre në terren, me qëllim parandalimin e ngjarjeve rrugore dhe ofrimin e ndihmës për drejtuesit e mjeteve në rast nevoje.
Policia po bashkëpunon ngushtësisht me entet pronare të rrugëve dhe firmat kontraktore për pastrimin e akseve të mbuluara nga dëbora dhe për shpërndarjen e kripës, me qëllim evitimin e ngricave dhe përmirësimin e qarkullimit.
Ndërkohë, Policia Rrugore u bën apel drejtuesve të mjeteve që të tregojnë kujdes të shtuar gjatë lëvizjes, të respektojnë sinjalistikën rrugore, të pajisen me goma dimërore dhe zinxhirë, si edhe të ndjekin udhëzimet e punonjësve të Policisë.
Po ashtu, u kërkohet të gjithë drejtuesve të mjeteve të vendosin rripin e sigurimit, të mos përdorin celularin gjatë drejtimit, të shmangin shpejtësinë tej normave të lejuara, të mos kryejnë parakalime të rrezikshme dhe të mos ngasin mjetin nën ndikimin e alkoolit.
Policia apelon për rritje të përgjegjshmërisë, me qëllim që situata e vështirësuar nga kushtet atmosferike të mos shoqërohet me ngjarje të rënda në rrugë.
