Përpara bllokut të sigurisë pranë Komisariatit nr. 3 në Tiranë, një burrë 54-vjeçar përpiqet të mbaj&...
AKTUALITET
VIDEO/ Ndotja e ujit në Tiranë, Krimi Ekonomik 'zbarkon' në terren
I.APërditësimi i fundit 12 Prill 2025, 08:56
TIRANË- Krimi Ekonomik ka zbarkuar në terren, pas denoncimeve të shumta për shkak të ndotjes së ujit në kryeqytet. Pas qindra denoncimeve dhe situatës alarmante në njësin numër 5 me ndotjen e ujit, krimi Ekonomik ka nisur sekuestrot dhe marrjet në pyetje. Ndotja e ujit ka ardhur për shkak të punimeve që ka bërë UKT, pa asnjë njoftim për qytetarët.
Sot, më datë 11.04.2025, pas informacioneve të marra nga burime të hapura (rrjetet sociale) lidhur me një problematikë të ndotjes së ujit në disa zona të qytetit të Tiranës, nga Seksioni për Hetimin e Krimit Ekonomik dhe Financiar janë kryer veprime hetimore dhe procedurale për dokumentimin dhe sqarimin e rrethanave.Në vijim të sa më sipër, është kryer këqyrja e vendit të ngjarjes, nga ku dyshohet se ka ndodhur çarja e tubacionit të nëndheshëm të ujit. Gjithashtu, i është marrë deklarim si person që ka dijeni shtetasit Dorjan Korbeci, me detyrë Drejtor i Departamentit të Prodhimit dhe Shpërndarjes, i cili ka sqaruar se, në rrugën “Shaban Karaj”, si pasojë e amortizimit, është dëmtuar linja e furnizimit me ujë, duke sjellë si pasojë furnizim me turbullira.
Një situatë e rëndë ka ndodhur ditët e fundit në Tiranë, ku në banesat e qytetarëve ka pasur ujë të ndotur. Pas disa denoncimeve në rrjetet sociale, gazetari Arsen Rusta ka depozituar në SPAK një kallëzim për kreun e UKT-së Tiranë, Skerdi Drenova, për ndotjen e ujit.
