Vatra e zjarrit mbi lagjen Abaze në Krujë, në afërsi të vendit të quajtur Kroi i Madh, vijon të jetë ende aktive, duke...
AKTUALITET
VIDEO/ Ndotje e rëndë nga fabrika e tullave në Maminas, banorët denoncojnë situatën absurde
Nga Xhuljan FerzajPërditësimi i fundit 12 Gusht 2026, 11:06
Një video e xhiruar natën ka nxjerrë në pah ndotjen e vazhdueshme që shkakton fabrika e tullave «KID Alb» sh.p.k. në Maminas. Materiali, i dërguar në redaksinë e Piranjat News nga një banore e zonës, tymra të dendura që dalin nga fabrika, në një zonë të banuar.
Sipas denoncimit të ardhur në redaksi, ndotja nuk është një dukuri e re. “Kjo video është e kapur në Maminas, direkt nga fabrika e tullave «KID Alb» sh.p.k. Ndotja që shkakton prej shumë vitesh është absurde në një zonë të banuar,” shkruan banorja në mesazhin e saj, duke kërkuar që materiali të bëhet publik.
Banorët e zonës kanë ngritur shpesh shqetësime për cilësinë e ajrit dhe ndikimin e emetimeve në shëndetin e tyre, por sipas tyre situata vazhdon prej vitesh pa ndërhyrje konkrete. Videoja tregon tym të dendur që përhapet mbi fushat dhe shtëpitë përreth, duke e bërë edhe më të dukshme problemin gjatë orëve të natës.
Piranjat News ka marrë denoncimin dhe materialin filmik dhe do të ndjekë zhvillimet e mëtejshme. Redaksia fton institucione të kompetencës, si Ministria e Mjedisit dhe Agjencia Kombëtare e Mjedisit, të verifikojnë situatën dhe të japin përgjigje për masat e marra ndaj kësaj industrie./ Piranjat News
