Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
AKTUALITET
VIDEO/ Pamje nga operacioni i SPAK, RENEA në kërkim të eksponentëve të krimit (EMRAT)
b.zPërditësimi i fundit 17 Maj 2024, 13:09
Pamje nga operacioni
TIRANË - Një operacion është zhvilluar këtë të premte me urdhër të Prokurorisë së Posaçme, SPAK në kuadër të së cilit janë lëshuar gjithsej 49 urdhër arreste. Operacioni është shtrirë në disa qytete kryesore, si Lezhë, Krujë, Tiranë dhe Vlorë, ndërsa janë ushtruar kontrolle edhe në disa banesa.
Operacioni ka si synim kapjen e eksponentëve të njohur të krimit në vend, vend si Valter dhe Durim Bami, dy vëllezërit Leonard dhe Erlis Duka, Fatmir Hyseni alias Docja apo dy vëllezërit Astrit dhe Altin Avdylaj, pjesë e bandës së Shijakut. Mes listës së urdhër arresteve është edhe ish-deputeti i PS, Arben Ndoka, i cili është shpallur në kërkim.
Nga inofmacionet e deritanishme thuhet se janë shoqëruar Armando Ndreca dhe Elvis Ndreca, përkatësisht vëllai i deputetit Eduard Ndreca dhe kushëriri i tij. Gjatë operacionit u vu në pranga biznesmeni nga Velipoja, Mir Bruli, i afërm i Pëllumb Gjokës.
Urdhër arrestet e lëshuara nga GJKKO:
Leonard Duka
Erlis Duka
Fatmir Hyseni alias Doçja
Albert Zaja
Valter Bami
Durim Bami
Astrit Avdylaj
Altin Avdylaj
Plaurent Dervishaj
Endrit Dokle
Xhevi Ndoka.
Deri më tani nuk ka ende asnjë njoftim zyrtar nga SPAK mbi urdhër arrestet e ekzekutuara për personat që akuzohen si të implikuar në ngjarje të rënda që përfshijnë vrasje, apo organizata kriminale. Ndërkohë raportohet se i gjithë operacioni është vazhdimësi e hetimeve për të shumëkërkuarin Ervis Martinaj, fati i të cilit vijon të jetë mister.
