Bulevardi “Dëshmorët e Kombit” është mbushur me protestues që i janë bashkuar tubimit kundër projektit për n...
AKTUALITET
VIDEO/ Policia kap gafil 40-vjeçarin teksa qëllonte me kallashnikov, e pëson dhe miku i tij grek
PiranjatPërditësimi i fundit 16 Mars 2026, 10:00
Policia e Korçës thotë se ka arrestuar një 40-vjeçar, që dyshohet se ka qëlluar me armë zjarri në fshatin Roman, duke terrorizuar banorët dhe rrezikuar jetën e tyre. Po ashtu në pranga ka rënë edhe një shtetas grek, i cili ndodhej me të në momentin e ngjarjes.
Në pranga u vu shtetasi Kristo Agolli, 40 vjeç, banues në fshatin Orman, i cili rezulton i dënuar më parë për veprat penale të vjedhjes dhe prodhimit e shitjes së narkotikëve. Në vendngjarje policia sekuestroi një armë zjarri tip kallashnikov dhe municion luftarak.
Gjatë kontrollit të ushtruar në banesën e tij, shërbimet e Policisë gjetën dhe sekuestruan fara kanabisi si dhe një aparat metalkërkues, të cilat u morën në cilësinë e provës materiale.
Në vijim të veprimeve u arrestua në flagrancë edhe shtetasi grek Dimitrios Pentazidis, 48 vjeç, banues në Athinë, për veprën penale “Moskallëzimi i krimit”, pasi ndodhej së bashku me 40-vjeçarin në momentin kur ai qëllonte me armë zjarri.
Nga hetimet paraprake dyshohet se shtetasi grek kishte shkuar në banesën e Agollit për të kërkuar objekte me vlerë, kryesisht flori, me ndihmën e aparatit metalkërkues, i cili dyshohet se ishte sjellë prej tij nga Greqia.
Njoftimi:
Qëllonte me armë zjarri, duke terrorizuar banorët dhe rrezikuar jetën e tyre; Policia kap dhe vë në pranga 40-vjeçarin.
Në pranga edhe një shtetas grek, që ishte bashkë me 40-vjeçarin. Sekuestrohen arma e zjarrit tip kallashnikov, municion luftarak, fara kanabisi dhe një aparat metalkërkues.
Shërbimet e Komisariatit të Policisë Maliq, pas marrjes së njoftimit se në fshatin Orman, një shtetas po qëllonte me armë zjarri, duke terrorizuar banorët dhe rrezikuar jetën e tyre, kanë shkuar menjëherë në vendngjarje.
Si rezultat i veprimeve të shpejta dhe me mbështetjen e Forcës së Posaçme “Shqiponja”, shërbimet e Policisë lokalizuan, neutralizuan dhe vunë në pranga shtetasin Kristo Agolli, 40 vjeç, banues në fshatin Orman, Maliq, i dënuar më parë për vjedhje dhe për prodhim e shitje të narkotikëve.
Në vendngjarje u sekuestruan arma e zjarrit tip kallashnikov dhe municion luftarak.
Gjatë kontrollit në banesën e 40-vjeçarit, shërbimet e Policisë gjetën fara kanabisi dhe një aparat metalkërkues, të cilat u sekuestruan me cilësinë e provës materiale.
Në vijim të veprimeve, u arrestua në flagrancë, për veprën penale “Moskallëzimi i krimit”, edhe shtetasi grek Dimitrios Pentazidis, 48 vjeç, banues në Athinë, i cili ishte bashkë me 40-vjeçarin në momentin kur ai qëllonte me armë zjarri.
Nga veprimet hetimore dyshohet se shtetasi grek kishte ardhur në banesën e 40-vjeçarit për të kërkuar flori me anë të aparatit metalkërkues, i cili dyshohet se ishte sjellë prej tij nga Greqia.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
Policia e Tiranës ka arrestuar shtetasit Jurgen Gjonaj, Renato Balla, Kristjan Ahmerama dhe Eklips Leti, Glentjan Kojtari, Dorjan Hamolli dhe Geris Molla...
