Teksa shkallmuan thuajse të gjithë gurët e trotuareve, nga frika e sulmeve nga protestuesit, sot punonjës të bashkisë janë fu...
AKTUALITET
Video/ Prindërit i dërgojnë fëmijët për shkollë, policia i tërheq zvarrë nga godina ‘të përkëdhelurit’ hyjnë me mik
PiranjatPërditësimi i fundit 18 Shtator 2025, 13:46
Një skenë e rëndë është regjistruar sot pranë Drejtorisë së Konvikteve në Qytetin Studenti. Studentët që tentuan të bëjnë regjistrimin për dhomat nuk u lejuan, pasi vendet ishin zënë nga persona të futur me njohje në këtë institucion.
Gjatë ditës është krijuar kaos në ambientet e Qytetit Studenti, ku madje është thirrur policia për të larguar studentët nga godina e drejtorisë. Siç shihet në videon e publikuar nga JOQ Albania, të rinjtë janë dhunuar dhe tërhequr zvarrë nga forcat e rendit, duke rrezikuar edhe jetën e tyre pasi ndodheshin në shkallët e katit të dytë të ndërtesës.
“Përshëndetje, JOQ! Sot, në konviktet e Qytetit Studentit, policia e shtetit ka përdorur dhunë për të nxjerrë studentët që kishin pritur deri në orën 3 të mëngjesit për të zënë një dhomë në konviktet e reja. Pas futjes së 10 personave, ata mbyllën derën dhe nuk dhanë asnjë sqarim, duke thënë se vendet janë zënë. Ndërkohë, thërrasin policinë për t’i nxjerrë studentët jashtë. Si do të veprojë ky shtet për popullin dhe studentët, të cilët dita-ditës po detyrohen të largohen nga ky vend?”, shkruhet në denoncim.
