Një zë i rëndësishëm në Kongresin e Shteteve të Bashkuara të Amerikës, republikania Alexandria Ocasio Cortez ka rea...
AKTUALITET
Vodhi një shumë parash dhe vegla pune, arrestohet 43-vjeçari banues në Nikël
PiranjatPërditësimi i fundit 5 Tetor 2025, 12:06
Policia e Krujës ka finalizuar hetimet për dy vjedhje të ndodhura në muajt e fundit, duke identifikuar dhe arrestuar autorin e dyshuar. Shtetasi 43-vjeçar, banues në Nikël, u kap pas një pune hetimore dhe analizimi të pamjeve filmike që dokumentuan ngjarjet.
I arrestuari dyshohet për dy vjedhje të kryera, Më 20 shtator 2025, ka vjedhur një shumë parash në një lokal në Nikël, ndërsa më 3 tetor 2025, ka vjedhur vegla pune në një magazinë në fshatin Qerekë.
Policia po vijon hetimet për të zbardhur vjedhje të tjera që mund të ketë kryer autori. Materialet procedurale janë referuar Prokurorisë së Tiranës, e cila do të vazhdojë me veprimet ligjore për këtë rast.
Njoftimi i policisë:
Krujë/Zbardhen dhe dokumentohen 2 vjedhje të ndodhura gjatë 2 muajve të fundit në Krujë.
Identifikohet, kapet dhe vihet në pranga 43-vjeçari.
Shërbimet e komisariateve të Policisë Krujë, në vijim të punës për zbardhjen e autorësisë së vjedhjeve të kryera, pas administrimit të kallëzimeve të bëra nga dy shtetas për vjedhjen e një lokali dhe të një magazine, organizuan punën me qëllim kapjen e autorit dhe dokumentimin e rasteve.
Si rezultat i një pune të organizuar dhe në bazë të këqyrjes së pamjeve filmike, u identifikua, u kap dhe u vu në pranga autori i dy vjedhjeve, shtetasi egjiptian M. Sh., 43 vjeç, banues në Nikël.
Konkretisht, dyshohet se ky shtetas: • më datë 20.09.2025, ka vjedhur me thyerje një shumë parash në një lokal në Nikël; • më datë 03.10.2025, ka vjedhur vegla pune në një magazinë në fshatin Qerekë.
Vijojnë hetime për të zbardhur vjedhje të tjera që mund të ketë kryer 43-vjeçari.
Materialet procedurale iu referuan Prokurorisë së Tiranës, për veprime të mëtejshme, për veprën penale “Vjedhja”.
