Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
Vranë 24-vjeçarin, drejtësia tregohet e “mëshirshme” me vëllezërit Rakipaj. Ja çfarë vendosi për ta
PiranjatPërditësimi i fundit 1 Nëntor 2025, 18:10
Ulet dënimi nga 18 në 15 vjet dhe ‘arrest shtëpie’ me pajisje elektronike.
Ky është vendimi i Gjykatës së Apelit të Venecias për vëllezërit me origjinë shqiptare, Klinton dhe Ilmi Rakipaj, respektivisht 21 dhe 26 vjeç, të akuzuar për vrasje me dashje (goditën me një thikë fatale në gjoks bashkatdhetarin 24-vjeçar Albert Deda në kulmin e një konflikti), tentativë vrasjeje të dyfishtë dhe mbajtje të armëve të ftohta.
Ngjarja ndodhi më 23 korrik 2023. Dy vëllezërit, banues në rrugën ‘Dorighello’ në lagjen Forcellini në Padova, gjatë një debati goditën me një thikë në zemër 24-vjeçarin Albert Deda, duke e vrarë, dhe plagosën rëndë dy persona të tjerë, 26 dhe 28 vjeç, të gjithë me origjinë shqiptare, përpara se të iknin me një ‘Renault Clio’ të kuqe.
Klinton dhe Ilmi Rakipaj u kapën ditën pasardhëse nga policia rrugore e Palmanovës te ndërrimi i autostradës Villesse, 20 kilometra larg kufirit italian, dhe u arrestuan.
Gjatë procesit të Apelit, gjyqtari Lorenzo Miazzi iu dha Klinton dhe Ilmi Rakipaj lehtësimet e përgjithshme, duke ulur dënimin me tre vite, duke marrë parasysh edhe sjelljen e mirë të tyre në burgjet përkatëse të Vicenzës dhe Rovigos, ku gjithashtu kishin punuar.
Për më tepër, kërkesa e avokatit Marrone për t’u lejuar që dy vëllezërit të vuajnë pjesën e mbetur të dënimit jashtë burgut u pranua. Tani, Klinton dhe Ilmi Rakipaj do të vendosen në shtëpinë e xhaxhait të tyre në zonën e Venecias, ku do të qëndrojnë detyrimisht, duke mbajtur gjithashtu shiritin elektronik.
