Pamje të rënda janë publikuar nga protesta studentore në Tiranë. Siç shihet edhe në video, një i ri nga Tirana ...
AKTUALITET
Vrasja e 24-vjeçares nga Palestina në Tiranë/ Pistë tjetër hetimi për ngjarjen, dyshohet se autori është babai
b.zPërditësimi i fundit 1 Mars 2025, 16:14
TIRANË - Detaje të reja kanë dalë në dritë nga ngjarja e rëndë që u regjistrua pak ditë më parë ku një 24-vjeçare nga Palestina u gjet e vrarë me thikë në një banesë të marrë me qira. Fillimisht, u raportua se autori i krimit ishte bashkëshorti i të resë, por tani, sipas të dhënave të siguruara nga autoritetet, dyshohet se autor është babai i 24-vjeçares.
Trupi i pajetë i 24-vjeçares u gjet pak ditë më parë në një banesë të marrë me qira në rrugën e Kavajës ku ishte duke jetuar me partnerin e saj 49-vjeçari, Fadi Alëan.
Çifti palestinez mësohet se jetonin në Gjermani, ndërsa kishin ardhur në vendin tonë më 19 shkurt ku kanë udhëtuar nga Gjermania në Rinas. Më tej bëhet me dije se te kontrolli i pasaportës në aeroport janë prezantuar me dokumente greke. Pas daljes nga aeroporti ata kanë rezervuar një taksi e cila i ka transportuar tek banesa ku ndodhi vrasja.
Policia ka kqyrur kamerat e sigurisë në zonë dhe më datë 22 shkurt 49-vjeçari në pamje filmike shfaqet duke u larguar nga zona e rrugës së Kavajës dhe po më datë 22 shkurt është larguar në mbrëmje nga aeroporti i Rinasit në drejtim të Greqisë. Grupi hetimor ka dyshime që krimi ka ndodhur më datë 22 shkurt.
Autoritetet vijojnë hetimet për zbardhjen e plotë të rastit, si dhe identifikimin e autorit të ngjarjes, duke qënë se tashmë pista e heitmit mori tjetër rrjedhë.
