Ka nisur protesta e pestë në mbrojtje të Zvërnecit, ku qytetarët kundërshtojnë projektin për ndërtimin e një r...
AKTUALITET
Vrasja e ish-policit/ Babai i Gentian Bejtjës: Pas breshërisë, një fuoristradë e zezë u largua me shpejtësi
PiranjatPërditësimi i fundit 21 Shtator 2025, 20:44
Ish-polici i burgjeve, Gentjan Bejtja u vra më 15 mars në oborrin e shtëpisë përmes një atentati të mirëorganizuar në Larushkë të Fushë Krujës.
Bejtja u kishte shpëtuar tri atentateve, por i katërti ishte fatal për të. Teksa ndodhej në oborrin e banesës, persona të maskuar e qëlluan me breshëri plumbash.
Në lidhje me ngjarjen janë pyetur në cilësinë e personit që kanë dijeni për rrethana të dobishme për hetimin disa persona, mes të cilëve edhe Gani Bejtja, babai i Gentian Bejtës si dhe nëna e tij.
Gani Bejtja, babai i viktimës: “Djali im, Gentjan Bejtja, kishte dhjetë ditë që jetonte në shtëpinë time në fshatin Larushkë. Më 15 mars 2024, kam dalë nga banesa me automjetin “Volksëagen” dhe kam shkuar në qytetin e Fushë – Krujës, me qëllim për të paguar energjinë elektrike. Pasi kam qëndruar një orë jam kthyer sërish në shtëpi. Aty ka qenë bashkëshortja ime, Liri Bejtja, djali, Gentiani, së bashku me gruan dhe dy djemtë e tyre të mitur. Gjatë ditës jam marrë me punë të ndryshme në banesë dhe kryesisht me pastrimin e oborrit.
Në orën 15:30, djali im, Gentiani, ka dalë dhe ka shkuar në banesën ë tij aty pranë për të ujitur perimet në një serë, afër me shtëpinë time. Rreth orës 16:00 kam dëgjuar breshëri automatiku që vinin nga banesa e djalit. Së bashku me gruan kemi shkuar aty. Rrugës kam vënë re një foristradë të zezë, e cila doli me shpejtësi në rrugën kryesore, por nuk munda të dallojë targat dhe drejtimin nga u largua.
Pasi jam futur në banesë së bashku me bashkëshorten jemi afruar të sera e perimeve dhe aty kam vënë re djalin të gjakosur. Fillimisht jemi përpjekur ta tërheqin me qëllim për t’i dhënë ndihmën mjekësore, por e kuptuam që kjo përpjekje ishte e kotë. Menjëherë kam njoftuar në sallën operative të Komisariatit të Policisë Krujë ku denoncova vrasjen e djalit tim Gentian Bejtja.”
I pyetur nga emisioni “Gjërat Tona” në lidhje me dyshimet e tij për autorët e ngjarjes dhe konfliktet që ka pasur djali tij, Gani Bejtja ka shpjeguar se nuk ka dyshime mbi autorët e mundshëm dhe nuk është në dijeni të konflikteve që ka pasur djali i tij.
