Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
Vrau me armë zjarri kushëririn pas sherrit për qiranë në Shkodër, Apeli ul dënimin për autorin Lek Vuksanin
M.B.Përditësimi i fundit 25 Tetor 2024, 15:50
TIRANA- Gjykata e Apelit të Përgjithshëm ka ulur dënimin për Lek Vuksanin, i cili akuzohet se vrau me armë zjarri kushëririn e tij Petrit Vuksani në Shkodër pas një sherri që dyshja kishin për qiranë e banesës. Shkalla e Parë dënoi fillimisht autorin me 21 vite burg, pas gjykimit kjo masë u reduktua në 14 vite.
Por pas ankesës së bërë nga Lek Vuksani, Apeli vendosi të ulë dënimin e tij në 19 vite për të dy veprat penale dhe pas zbritjes së një të tretës, dënimi përfundimtar është 12 vite e 8 muaj burgim, nga 14 që ishte.
Vendimi i Apelit të Përgjithshëm:
Në përfundim të gjykimit, më datë 24.10.2024, Gjykata e Apelit të Juridiksionit të Përgjithshëm, e përbërë nga trupi gjykues me Relatore Gjyqtare znj. Marsela Pepi dhe anëtar z. Fatri Islamaj dhe znj. Edlira Petri, vendosi: Lënien në fuqi të vendimit nr. 744 (1667), datë 03.04.2024 të Gjykatës së Shkallës së Parë të Juridiksionit të Përgjithshëm Shkodër për sa i përket kualifikimit ligjor dhe masës së dënimit të caktuar për kryerjen e veprës penale “Vrasje me dashje” të parashikuar nga neni 76 i Kodit Penal.
Ndryshimin e vendimit nr. 744 (1667), datë 03.04.2024 të Gjykatës së Shkallës së Parë të Juridiksionit të Përgjithshëm Shkodër për pjesën tjetër si më poshtë:
Deklarimin fajtor të të pandehurit L. V për kryerjen e veprës penale “Mbajtja pa leje dhe prodhimi i armëve, armëve shpërthyese dhe municionit”, parashikuar nga neni 278/4 i Kodit Penal dhe dënimin e tij me 3 (tre) vjet burgim.
Në zbatim të nenit 55 të Kodit Penal bashkimin e dënimeve dhe dënimin e të pandehurit L. V me 19 (nëntëmbëdhjetë) vjet burgim. Në aplikim të nenit 406/1 të Kodit të Procedurës Penale zbritet 1/3 e dënimit, duke u dënuar përfundimisht me 12 (dymbëdhjetë) vjet dhe 8 (tetë) muaj burgim.
Ngjarja e rëndë ka ndodhur më 2 maj të vitit të kaluar, ku gjithçka erdhi nga pagesa e qerasë së një banese. Petrit Vuksani, 52-vjeç, i cili ishte emigrant në Angli ia ka lënë banesën e tij autorit kundrejt një pagesë mujore, ndërsa para se ndodhte ngjarja kishte rreth një muaj që ishe kthyer nga Anglia.
Shkak i kësaj ngjarje të rëndë u bë pikërisht fakti se viktima i kërkoi 35-vjeçarit Lekë Vuksani që të lironte shtëpinë që i kishte lënë me qira gjatë kohës që nuk ndodhej në Shqipëri. Autori i vrasjes nuk ka rënë dakord dhe situata ka agravuar deri në vrasjen e 52-vjeçarit Petrit Vuksani. Pasi e qëlloi për vdekje në banesën e tij, Lekë Vuksani u arratis, për t’u arrestuar 21 orë më pas.
