Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
Vuri muzikë të lartë pas orarit të lejuar, procedohet administratori i beach barit në Vlorë
S.BPërditësimi i fundit 20 Qershor 2024, 17:07
pamje nga ngjarja
VLORË- Procedohet penalisht për prishje qetësie publike administratori i një beach bari në Vlorë. Mësohet se 40-vjeçari A.Sh, kishte vënë muzikë të lartë në lokalin që administronte në afërsi të Ujit të Ftohtë.
Bëhet me dije se muzika e lartë ishte vënë pas orarit të lejuar.
Njoftimi i Policisë:
U konstatua duke ushtruar aktivitet me muzikë, jashtë orarit të përcaktuar, procedohet penalisht administratori i subjektit (beach bar).
Strukturat e Policisë Vlorë vijojnë kontrollet për zbatimin e planit të masave për garantimin e rendit dhe qetësisë publike dhe monitorimin e lokaleve që vijojnë me organizimet e aktiviteteve me muzikë, pas orarit të përcaktuar për mbyllje, të vendosur nga organet kompetente.
Si rezultat i kontrolleve, në lagjen “Uji i Ftohtë”, u konstatua një beach bar ku ishte vënë muzikë e lartë, pas orarit të lejuar. Për këtë rast u referuan materialet në Prokurori ku nisi procedimi për veprën penale "Prishja e qetësisë publike", për administratorin e këtij subjekti, shtetasin A. Sh., 40 vjeç, banues në Vlorë.
Materialet i kaluan Prokurorisë, për veprime të mëtejshme.
Drejtoria Vendore e Policisë Vlorë apelon për të gjithë administratorët e subjekteve të zbatojnë oraret e përcaktuara dhe të mos prishin qetësinë publike, për të siguruar një mjedis të qetë dhe të sigurt për të gjithë qytetarët.
