Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
‘World Justice Project’ rrëzon reformën në drejtësi dhe SPAK: Brenda 10 vitesh u përkeqësua gjithçka
PiranjatPërditësimi i fundit 28 Tetor 2025, 20:15
Vetëm një ditë pasi Altin Dumani raportoi në Kuvend, organizata më e rëndësishme ndërkombëtare në sundimin e ligjit, ‘World Justice Project’ (Projekti për Drejtësinë Botërore) ka rrëzuar përfundimisht reformën në drejtësi dhe punën e SPAK-ut.
Kjo organizatë ka publikuar raportin vjetor, ku Shqipëria renditet në vendin e 87 në botë.
Shqipëria renditet shumë keq në të gjithë indikatorët, por kjo nuk është e dhëna më tronditëse.
Nëse shihen të dhënat e vitit 2015, kur kjo organizatë nisi publikimin e raportit dhe kur Shqipëria nuk kishte miratuar akoma të ashtuquajturën reformë në drejtësi, e kupton se kjo reformë e ka shkatërruar drejtësinë.
Kështu, për sa i përket kufizimeve për pushtetin e qeverisë, pra të Edi Ramës, në vitin 2015 kemi qenë në vendin e 52 në botë, tani jemi në vendin e 105, një përkeqësim me 100 përqind për një dekadë.
Sa i përket përhapjes së korrupsionit, në vitin 2015 kemi qenë në vendin e 78, tani me mbërritjen e SPAK dhe organeve të reja të drejtësisë, Shqipëria është zhytur në vendin e 105.
Akoma më shokuese janë të dhënat për drejtësinë penale dhe atë civile.
Sa i përket drejtësisë civile, në vitin 2015 kemi qenë në vendin e 55, tani jemi në vendin e 99.
Kurse sa i përket drejtësisë penale, kemi qenë në vendin e 46, tani jemi në vendin 82, sërish një përkeqësim në nivelet thuajse 100 përqind.
