Qytetarë, ambientalistë dhe aktivistë të shoqërisë civile janë mbledhur këtë mbrëmje në Tiranë p&e...
AKTUALITET
Zbardhen bisedat e të akuzuarve për hakerimin e SPAK: I thashë këtij shokut të më gërmojë mos ka gjë për Ulon
PiranjatPërditësimi i fundit 20 Janar 2026, 20:18
Detaje të reja nga dosja e hakërimit të kompjuterave të SPAK kanë dalë në dritë, ku 3 persona janë vënë zyrtarisht nën akuzë, mes të cilëve dhe ish-drejtori i Përgjithshëm i Burgjeve, Agim Ismaili.
Sipas të dhënave të dosjes së SPAK, Ismaili tha se materialet ia ka sjellë një nga të akuzuarit, Zambak Gjoni, i cili kishte të bënte me disa hetime të zhvilluara ndaj shtetasit Damian Gjiknuri dhe nuk e kam diskutuar me njerëz të tjerë.
Agim Ismaili, person në hetim për këtë çështje, tha se materialet që i sillte Zambak Gjoni, ai i trajtonte me humor. Por ai dëshmoi se nuk e besonte që Zambaku të kishte aksesuar apo korruptuar njerëz në SPAK për të marrë informacion. Ndërkohë që pranoi se këto materiale ia kishte shpërndarë personave të tretë.
“Në lidhje me bisedën me përmbajtje: ‘I thashë këtij shokut të më gërmojë te SPAK-u, mos ka gjë për Ulon’ dhe përgjigjen se: ‘Do ishte e hatashme’, Agim Ismaili sqaroi se: ‘…Kam menduar gjithnjë se mund të ketë qenë ndonjë gazetar që ka patur mundësi të aksesojë këto informacione. Unë e njihja dhe shtetasin Arnold Rrokaj dhe nëse do të ishte kështu, Zambaku do të më kishte thënë se i kishte marrë nga Arnoldi’”, thuhet në dosje.
