Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
Zbulohet apartamenti i përshtatur si call center ku mashtroheshin të huaja për të investuar në bursa, një person i arrestuar dhe një në kërkim
M.B.Përditësimi i fundit 2 Prill 2025, 12:32
TIRANA- Një apartament i përshtatur si call center ku mashtroheshin të huaja për të investuar në bursa është zbuluar në Tiranë. Lidhur me këtë poicia njofton se ka vënë në pranga një 37-vjeçar që e kishte marrë me qira apartamentin, për këtë qëllim. Gjithashtu një tjetër person është shpallur në kërkim ndërsa 5 të tjerë janë proceduar penalisht. Materialet procedurale i kaluan Prokurorisë, për veprime të mëtejshme.
Njoftimi:
DVP Tiranë/Finalizohet pas 2 muajsh hetime me metoda proaktive, operacioni policor i koduar “Location 2”.
Zbulohet një apartament i përshtatur si call center, ku mashtroheshin shtetas të huaj, përmes telefonit, për të investuar në bursa fiktive. Vihet në pranga organizatori i kësaj veprimtarie dhe procedohen në gjendje të lirë 5 shtetas të tjerë, të cilët u kapën në flagrancë në apartament, gjatë ndërhyrjes nga Policia. Shpallet në kërkim 37-vjeçari që e kishte marrë me qira apartamentin, për këtë qëllim.
Sekuestrohen pajisje kompjuterike, celularë dhe prova të tjera materiale. Si rezultat i hetimeve të kryera gjatë dy muajve, në drejtimin e Prokurorisë, specialistët e Seksionit për Hetimin e Krimeve Ekonomike dhe Financiare, në bashkëpunim me Forcën Operacionale të DVP Tiranë, kanë finalizuar operacionin policor të koduar “Location 2”. Si rezultat i këtij operacioni:
- u arrestua në flagrancë shtetasi L. Xh., 37 vjeç; - u shpall në kërkim shtetasi R. M., 37 vjeç; - nisi procedimi penal për shtetasit D. O., 19 vjeç, J. B., 20 vjeç, R. L., 26 vjeç, J. D., 24 vjeçe dhe E. N., 34 vjeçe.
Gjatë operacionit, shërbimet e Policisë kanë ndërhyrë në apartamentin në rrugën “Panorama”, që ishte përshtatur si call center, ku kanë kapur në flagrancë shtetasi L. Xh. dhe 5 operatorë, të cilët mashtronin shtetas të huaj, për të investuar në bursa fiktive. Nga hetimet rezultoi se apartamenti ishte marrë me qira nga shtetasi R. M., me qëllimin për ta përdorur për këtë veprimtari të kundërligjshme. Vijon puna për kapjen e këtij shtetasi. Materialet procedurale i kaluan Prokurorisë, për veprime të mëtejshme.
