DashiMarrëdhënia me partnerin do përmirësohet mjaft gjate kësaj dite. Do i kuptoni gabimet e bëra dhe do mundoheni me çdo...
AKTUALITET
Zbuloi sekrete hetimore për grupin kriminal, GJKKO lë në burg oficerin e Antiterrorit, Igli Haxhiaj
PiranjatPërditësimi i fundit 28 Nëntor 2025, 10:31
Gjykata e Posaçme ka vendosur masën e sigurisë arrest me burg për oficerin e Antiterrorit, Igli Haxhiaj.
Vendimi erdhi pas hetimeve të SPAK, të cilat zbuluan se ai kishte nxjerrë sekrete hetimore dhe ishte korruptuar nga anëtarë të një grupi kriminal.
Sipas dosjes hetimore, Haxhiaj akuzohet për disa vepra penale, përfshirë nxjerrjen e sekretit hetimor, korrupsionin dhe shpërdorimin e detyrës.
Ai dyshohet se ka qenë i lidhur me një grup të goditur nga SPAK në bashkëpunim me autoritetet italiane, i përfshirë në trafikun e drogës nga Amerika Latine dhe Shqipëria drejt Italisë.
Operacioni i përbashkët mes Prokurorisë së Breshias dhe SPAK ka goditur bazat e mafies shqiptare në Rovato dhe Palazzolo, ku u sekuestruan rreth 3 milionë euro të ardhura nga aktivitetet kriminale.
Hetuesit italianë raportuan se trafiku i drogës gjeneronte fitime deri në 12 milionë euro, me kokainën që vinte nga Amerika e Jugut dhe heroinën nga Shqipëria.
Në kuadër të këtij operacioni, prokuroria italiane lëshoi 22 masa sigurie, duke arrestuar 8 persona në Breshia. Në total, 49 persona janë marrë nën hetim, prej të cilëve 46 shqiptarë.
