Zbardhen detaje rreth profilit të autori ttë ngjarjes në Maliq, që vrau një polic dhe plagosi një tjetër. Violand Bracellar...
AKTUALITET
Zgjedhjet e 11 majit/ Nga Italia në Xhamajka, ja nga cilat vende kanë aplikuar mbi 232 mijë emigrantë për të votuar
r.llPërditësimi i fundit 5 Mars 2025, 17:40
foto ilustruese
TIRANË- Në zgjedhjet parlamentare të 11 majit shqiptarët jashtë vendit do të kenë mundësinë të votojnë pa qenë e nevojshme të vijnë fizikisht në Shqipëri. Emigrantët shqiptarë nga shtete të ndryshme të botës do të kenë mundësi të hedhin votën e tyre në 11 maj duke u regjistruar në platformën PER në KQZ.
Të paktën mbi 232 mijë shqiptarë që banojnë jshtë vendit do të kenë mundësi për të votuar në zgjedhjet parlamentare të 11 majit të këtij viti. Ndonëse afati i kërkesave për rregjistrim u mbyll mesnatën e mbrëmshme, ky numër pritet të rritet më tej, pasi deri paraditen e së mërkurës ishin ende mbi 19 mijë kërkesa në fazë shqyrtimi. Vetëm gjatë ditës së djeshme, pati mbi 13 mijë e 200 aplikantë të rinj.
Kërkesat për regjistrim në KQZ vijnë nga 107 shtete të botës, pjesë e të gjitha kontinenteve. Italia shënon numrin rekord të kërkesave për regjistrim, me mbi 148 mijë kërkesa. Rreth 103 mijë kërkesa nga Greqia, rreth 36 mijë nga Gjermania, 245 mijë kërkes nga Shtetet e Bashkuara të Amerikës, apo 20 mijë nga Britania e Madhe.
Aplikime për regjistrim janë kryer edhe nga shqiptarët e Francës, Belgjikës, Kanadasë, Suedisë, Zvicrës, Austrisë, Maltës, Spanjës, apo Australisë. Kërkesa për regjistrime, ndonëse në numër shumë të ulët ka edhe nga vende si Ishujt Solomon, Gaboni, Peruja, Eritrea, Ishujt Kuk dhe Ishujt Kajman. Një kërkesë e vetme është regjistruar në Xhamajka, Hondurasi, Zambia, Bermuda, Uruguaj, Maldive, Territori Palestinez.
