Ekziston mundësia e një takimi me Presidentin e Shteteve të Bashkuara të Amerikës, Donald Trump, në Kinë, tha sot President...
AKTUALITET
Zgjedhjet e 11 majit, nis vulosja dhe paketimi i fletëve të votimit për shqiptarët jashtë vendit
r.llPërditësimi i fundit 10 Prill 2025, 10:35
foto ilustruese
TIRANË- Ka nisur ditën e sotme vulosja dhe paketimi i fletëve të votimit të zgjedhjeve të 11 majit, të cilat do të dërgohen për shqiptarët që jetojnë jashtë vendit. Ky proces pritet të mbyllet deri nesër dhe vendosja e tyre në zarfin A që është i njëjtë për të gjithë, ndërsa në ditët në vijim do të procedohet me vendosjen e tyre në zarfet B, që janë të personalizuara për çdo votues. Zarfi B ka të kodifikuar (me barkod që e lexon vetëm KQZ) emrin e zgjedhësit, shtetin ku jeton dhe qarkun ku shkon vota.
Sipas informacioneve, postieri do të vijë deri në 3 herë në adresën e dhënë, në ditë të ndryshme e orare të ndryshme dhe nëse nuk e gjen votuesin gjatë këtyre herëve, do të lërë një shënim për t’i kërkuar atij të shkojë brenda 3 ditësh të tërheqë zarfin në pikën më të afërt postare.
Pas plotësimit, fleta e votimit futet sërish në zarfet e KQZ-së dhe duhet telefonuar korrieri që ta marrë zarfin në shtëpi, në një orar të dakordësuar me emigrantin. Gjithashtu bëhet me dije se çdo zarf që mbërrin përtej orës 19 të datës 11 maj në Shqipëri, nuk do të lexohet.
Komisioni Qendror i Zgjedhjeve ka njoftuar se fletët e votimit do të mbërrijnë në Europë nga data 15 deri më 22 prill. Ndërkohë në kontinentet e tjera do të mbërrijnë nga data 15 deri më 25 prill. Fleta e votimit pasi të merret nga emigrantët, brenda 3 ditëve duhet të dërgohet në KQZ, ndërkohë gjithashtu bëhet me dije se shërbimi postar paguhet nga KQZ.
