Një ngjarje e rëndë është regjistruar në afërsi të ishujve të Ksamilit, ku është gjetur i pajetë n...
AKTUALITET
Zi në Gryksh të Madh të Peqinit për tragjedinë e familjes Kola, viktimat përcillen për në banesën e fundit
PiranjatPërditësimi i fundit 12 Shkurt 2026, 13:50
Grykshi i Madh i Peqinit është në zi këtë të enjte pasi familja Kola po përcillet për në banesën e fundit. Në fshat ndihet heshtja e rëndë dhe lotët e miqve e të afëmve që nuk ndalen për Artin, Jonidën, Hajdarin dhe Xhesika Kolën.
Të afërmit e familjes që u shua tragjikisht në Itali javën e kaluar, mezi gjejnë fjalë për të përshkruar atë që po përjetojnë. Ato shprehen se, nuk u besohet ende që nuk do t’i shohin më.
Disa nga deklaratat e të afërmve:
“Na iku një familje e tërë… Na u mbyll dera e shtëpisë,” thotë mes lotësh një nga familjarët. “Arti ishte shtylla e familjes, një jetë e tërë në emigrim pa mbushur ende 14 vjeç. Ishte njeri punëtor e i qetë. Jonida ishte zemra e shtëpisë. Fëmijët… ishin drita e syve të tyre. Si ta përballosh një dhimbje të tillë?
Nuk kemi parë kurrë një tragjedi të tillë. Është si të na jetë këputur një pjesë e shpirtit,” shprehet një fqinj i vjetër. I njihnim prej vitesh. Ishin njerëz të thjeshtë, të dashur, që nuk i bënin keq askujt.
Fshati Gryksh i Madh sot është në zi. Nuk është vetëm dhimbja e familjes së tyre, është dhimbja e të gjithëve ne. Hajdari dhe Xhesika ishin fëmijë të mbarë, plot ëndrra. Nuk e besojmë ende që nuk do t’i shohim më.
Kjo është një dhimbje që nuk kalon kurrë, thotë një e afërme. Do të jetojmë me kujtimin e tyre çdo ditë., u shprehen të afërmit e familjes Kola.
