Një sherr i dhunshëm është shënuar rreth orës 23.00 të së premtes në lagjen nr. 3 të qytetit të Sarand&eu...
AKTUALITET
Zjarri në tregun e fruta-perimeve, kamera e sigurisë tradhton dy autorët! Në kërkim durrsaku, tjetri ende i paidentifikuar
PiranjatPërditësimi i fundit 21 Maj 2026, 13:38
Zjarri në tregun e fruta-perimeve të Lushnjës nuk ka qenë aksidental por i qëllimshëm.
Policia vendore njoftoi sot se ka zbardhur ngjarjen dhe shpalli në kërkim një person të dyshuar për krimin e piromanisë.
Në një reagim zyrtar policia sqaron u bë i mundur identifikimi dhe shpallja në kërkim e shtetasit K. Ç., banues në Durrës, i dyshuar si njëri prej autorëve të zjarrvënies në lagjen “Xhevdet Nepravishta” tre ditë më parë.
“Ndërsa nga këqyrja e pamjeve filmike rezulton se autori shfaqet pranë tregut së bashku me një shtetas tjetër ende të paidentifikuar, të cilët dyshohet se në bashkëpunim me njëri-tjetrin, kanë ndezur zjarrin dhe më pas janë larguar nga vendngjarja”, thanë burime zyrtare.
Policia vijon punën për kapjen e shtetasit K. Ç., si dhe për identifikimin dhe kapjen e shtetasit tjetër që shfaqet në pamjet filmike.
Zjarri shkaktoi dëme të konsiderueshme te tregtarët, të cilët hodhën poshtë ngarkesat e konsiderueshme të mallit me vlerë miliona lekë. Deputeti demokrat Sajmir Korreshi kërkoi marrjen e masave dhe zbardhjen e ngjarjes nëse ishte e qëllimshme, si dhe dëmshpërblimin e tregtarëve.
Fillimisht u dyshua për zjarr aksidental nga shkëndija elektrike në peshoren elektronike.
“Veprime të thelluara hetimore për zbardhjen e ngjarjes së ndodhur më datë 19.05.2026, në tregun e fruta-perimeve, në lagjen “Xhevdet Nepravishta”, ku fillimisht u dyshua si ngjarje aksidentale.
Si rezultat i veprimeve hetimore, identifikohet dhe shpallet në kërkim një shtetas i dyshuar si autor i zjarrvënies, ndërsa vijon puna për identifikimin e një shtetasi tjetër të përfshirë në ngjarje.
Më datë 19.05.2026, në sallën operative të Komisariatit të Policisë Lushnjë është marrë njoftim se në tregun e fruta-perimeve të qytetit kishte rënë zjarr.
Menjëherë në vendngjarje kanë shkuar shërbimet e Policisë dhe ato zjarrfikëse, të cilat, brenda pak orësh, bënë të mundur shuarjen e flakëve.
Si pasojë e zjarrit janë dëmtuar disa tezga dhe produkte në pronësi të disa tregtarëve.
Fillimisht u dyshua se zjarri ishte shkaktuar nga një shkëndijë elektrike, por në vijim të veprimeve të thelluara hetimore, të kryera nga grupi hetimor nën drejtimin e Prokurorisë, u bë i mundur identifikimi dhe shpallja në kërkim e shtetasit K. Ç., banues në Durrës, i dyshuar si njëri prej autorëve të zjarrvënies.
Nga këqyrja e pamjeve filmike rezulton se shtetasi K. Ç. shfaqet pranë tregut së bashku me një shtetas tjetër ende të paidentifikuar, të cilët dyshohet se, në bashkëpunim me njëri-tjetrin, kanë ndezur zjarrin dhe më pas janë larguar nga vendngjarja.
Policia vijon punën për kapjen e shtetasit K. Ç., si dhe për identifikimin dhe kapjen e shtetasit tjetër që shfaqet në pamjet filmike.
Materialet procedurale iu referuan Prokurorisë, për veprime të mëtejshme”.
