Një qytetar i është drejtuar redaksisë me një denoncim lidhur me një situatë që, sipas tij, po ndodh në zonë...
AKTUALITET
''Zonat e mbrojtura''/ Rama flet sikur është në opozitë: Nëse menaxhohen me zgjuarsi, mund të jenë burim të ardhurash
PiranjatPërditësimi i fundit 5 Dhjetor 2025, 11:48
Kryeministri Edi Rama po merr pjesë në aktivitetin “Për ty natyrë”, ku po diskutohet për prioritetet e mjedisit, biodiversitetit dhe pyjeve, të cilat duhet të hyjnë në një fazë të re përmes modelit unik të administrimit dhe zhvillimit të qëndrueshëm.
Pas 12 vitesh në pushtet Rama tha se po punohet për një proces reformimi në këtë sektor.
"Një gjë tjetër që koha e ka treguar më së mirë, është fakti që në zonat e mbrojtura nuk janë penguese të zhvillimit ekonomik dhe rritjes së të ardhurave. Nëse menaxhohen me zgjuarsi dhe në mënyrë kreative, por nëse administrohen si duhet në aspektin e mbledhjes së të ardhurave, të ardhurat nga këto zona mund të jenë të konsiderueshme dhe të funksionojnë si burim i ri.
Sot më vjen mirë të them që ne kemi faktikisht mbi 1 milion hektarë të përfshira në territorin e përgjithshëm të zonave të mbrojtura. Që janë gati 22 % e mbarë territorit, por nuk mjafton ta thuash në mënyrë të përgjithshme ajo që duhet është më pas futja më thellë brenda gjithë këtij territori që mblidhet në 1 mln ha, për të parë se si në cdo pjesë të tij potencialet e zhvillimit ekonomik janë po aty.
Agjencia Kombëtare e zonave të mbrojtura, i ka katërfishuar të ardhurat e veta ne tre katër vitet e fundit. Potenciali është shumë më i madh. 70 % vijnë nga tre pika, Dajti, Syri i Kaltër dhe Kune Vain. Sistemi i menaxhimit elektronik të të ardhurave ka sjellë një hov cilësor," tha Rama.
