Pak orë para protestës së paralajmëruar, Policia ka rrethuar me barriera metalike perimetrin pranë Parlamentit, nga Xhamia e Namazgja...
BOTA
Tërmet 6.1 ballë i shkallës Rihter godet Kretën/ Lëkundje të forta zgjojnë banorët, dalin të panikosur nga banesat
n.fPërditësimi i fundit 22 Maj 2025, 08:56
KRETË- Një tërmet i fortë me magnitudë 6.1 ballë të shkallës Rihter ndodhi në orën 06:19 në orët e para të së enjtes pranë brigjeve të Kretës. Sipas Institutit Gjeodinamik të Athinës, epiqendra e tërmetit ndodhej 56 kilometra në verilindje të Neapolis, Lassithi, me një thellësi fokale prej 60.3 km.
Banorët vrapuan nga shtretërit e tyre, me dëshmitarë që raportuan se tërmeti u pasua nga një gjëmim i fortë, ndërsa shumë prej tyre dolën nga shtëpitë e tyre për të qenë të sigurt. Mediat greke kanë publikuar pamje nga lëkundjet e tërmetit teksa shihet kamera e sigurisë e cila është e ngulitur në mur dridhet nga tërmeti.
Pamje edhe nga marketet janë publikuar pamje ku duken produktet në tokë. Shërbimet zjarrfikëse të Kretës janë në gatishmëri të përgjithshme. Makinat e zjarrfikësve janë tashmë në patrullim për të kontrolluar situatën.
Sipas informacioneve, si pasojë e tërmetit, janë regjistruar rrëshqitje të vogla dheu në rrjetin rrugor provincial, dhe në rrugën 25 Gusht në Heraklion, ka ndodhur një rënie e vogël e pjesëve të një ndërtese.
Një pjesë e një ndërtese u shemb në Heraklion, në rrugën për këmbësorë të 25 gushtit. Oficerët e policisë bashkiake shkuan menjëherë në vendngjarje dhe rrethuan zonën, ndërsa zonat e tjera po ekzaminohen.
Bashkitë e Heraklionit dhe Lasithit kanë dhënë udhëzime për të inspektuar shkollat, pa u identifikuar ndonjë problem. Për momentin, të gjitha shkollat po funksionojnë normalisht. Kryetari i Bashkisë së Heraklionit, Alexis Kalokairinos, kontaktoi Presidentin e OASP, Profesor Efthymis Lekkas, si dhe autoritetet lokale për të vlerësuar situatën.
