1 vjetori i luftës në Ukrainë, protesta masive në Rusi, arrestohen disa persona

RUSI- Në Shën Petersburg gjatë vendosjes së luleve në monumentin e poetit ukrainas, Taras Shevchenko, të paktën gjashtë persona u arrestuan. Pesë persona u arrestuan gjithashtu në qendër të qytetit siberian të Barnaul. Katër të arrestuarit, morën pjesë në një protestë në Sheshin Sovjetik. Një tjetër person i arrestuar mbante një pankartë pranë monumentit "zero kilometër".

Në qytetin e Khabarovsk, policia arrestoi aktivistin Nikolai Zhichii, i cili doli duke mbajtur foto të Vladimir Putin nga daljet e tij në televizion. Në komisariat kanë bërë një “diskutim paralajmërues” me të dhe më pas është lënë i lirë. Në rajonin e Nizhny Novgorod, u arrestua këshilltari i qytetit Dmitry Mochalin, i cili doli për të protestuar i vetëm duke mbajtur një pankartë ku shkruhej: "Paqe në Ukrainë. Ushtari në shtëpi”.

Në qytetin e Yekaterinburgut, policia arrestoi shtatë persona që ishin mbledhur në monumentin "Maska e pikëllimit", siç raporton gazeta Vetsernie vedomosti. Në mesin e të arrestuarve, aktivistë të rinj të partisë Yiabloko dhe krijuesi i kanalit Svet Yekaterinenburg në Telegram.

Në Moskë, qytetarët vendosin lule në monumentin e poetes ukrainase Lesa Ukrainka. Policia po monitoron lëvizjen por deri më tani nuk ka të arrestuar. Sipas faqes së internetit Sofa, pranë sheshit Pushkin policia ndalon kalimtarët dhe kryen një "kontroll personal" duke i detyruar qytetarët të zbërthejnë palltot dhe të hapin çantat e shpinës.

\dosja.al

rusi ukrainë lufta

Artikuj te sugjeruar

BOTA 24 Shkurt14:18

'Një adoleshenti i premë veshët, pimë e vjedhim...'/ ZBARDHEN telefonatat e ushtarëve rusë në Ukrainë, tmerrojnë familjarët me ç'po ndodhte në frontin e luftës

KIEV- Si përfundojnë njerëzit e rritur me një ndjenjë të së drejtës dhe të gabuarës, të arrijnë t&...