Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
53% e anëtarëve kërkojnë lider të ri, ja çfarë tregon sondazhi në partinë Laburiste
PiranjatPërditësimi i fundit 28 Shtator 2025, 16:11
Një sondazh i fundit, i realizuar nga Survation për platformën LabourList, ka nxjerrë në pah një pakënaqësi të madhe brenda Partisë Laburiste. Sipas të dhënave të publikuara gjatë emisionit Sunday Morning në Sky News, rreth 53% e anëtarëve të partisë kërkojnë një lider të ri para zgjedhjeve të ardhshme, ndërsa vetëm 31% mbështesin që Keir Starmer të mbetet në krye deri në ato kohë.
Sondazhi, i zhvilluar nga 23 deri më 25 shtator, përfshiu 1.254 anëtarë të partisë dhe ka nxjerrë një pamje shqetësuese për liderin aktual të Laburistëve. Rreth 65% e të anketuarve kanë shprehur pakënaqësi me drejtimin aktual të Starmer, duke e konsideruar atë si të gabuar për partinë. Vetëm 26% e mbështesin qasjen dhe politikën e tij.
Këto rezultate vijnë në një moment kritik për Partinë Laburiste, e cila përballet me një kërcënim në rritje nga Partia Reform UK, udhëhequr nga Nigel Farage, një forcë populiste që ka fituar mbështetje të konsiderueshme në qarqet britanike.
Në një fjalim të fundit në kongres, Keir Starmer u bëri thirrje anëtarëve të partisë të ndalin përçarjet e brendshme dhe të bashkohen për të mposhtur Reform UK. Ai e akuzoi këtë parti për "politika raciste" dhe paralajmëroi për plani për dëbime masive nëse ata vijnë në pushtet.
"Jemi përballë betejës më të madhe politike të jetës sonë," deklaroi Starmer për BBC News. "Duhet të ndalojmë me vetë-analizat dhe të bashkohemi kundër Reform. Tani është koha për unitet."
