Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
BOTA
Aksidenti me 47 të plagosur në Liverpool/ Dy në gjendje të rëndë, autori "shpëtohet" nga policia, të pranishmit tentojnë ta sulmojnë
n.fPërditësimi i fundit 27 Maj 2025, 08:08
ANGLI- Dy persona, njëri prej të cilëve është fëmijë, u plagosën rëndë kur një makinë u përplas me turmën e mbledhur për paradën e madhe të Liverpoolit për të festuar titullin e 20-të të klubit në Premier League. Një total prej 27 personash u dërguan në spital me ambulancë pas incidentit që ndodhi të hënën në mbrëmje në Water Street në qendër të qytetit të Liverpulit.
Njëzet persona të tjerë morën ndihmën e parë në vendin e aksidentit për lëndime të lehta, ndërsa midis të lënduarve ishte edhe një ndihmës mjekësor çiklist që ndodhej në vendngjarje. Katër prej tyre mbetën të bllokuar nën automjet, me ekipet e zjarrfikësve që lëvizën "shpejt" për t'i liruar në mënyrë që t'u ofrohej ndihma e parë.
Në një konferencë për shtyp të mbajtur nga autoritetet pesë orë pas incidentit, ndihmësshefja e policisë Jenny Sims theksoi se incidenti nuk po trajtohet si një incident terrorist. Ajo tha se një burrë 53-vjeçar britanik mbetet në paraburgim, i cili besohet të jetë shoferi i automjetit.
"Ajo që mund t'ju them është se ne besojmë se ky është një incident i izoluar dhe se në këtë kohë nuk po kërkojmë askënd tjetër të lidhur me këtë," shtoi ajo.
Policia britanike u detyrua të përdorte forcën dhe ta largonte shoferin sa më shpejt të ishte e mundur, në mënyrë që të parandalonte dhunimin e tij nga tifozët e zemëruar menjëherë pas incidentit të përgjakshëm. Shumë u përpoqën ta nxirrnin nga automjeti dhe dështuan automjetin të policisë.
