Revolta kundër ndërtimeve në Zvërnec nuk është kufizuar vetëm brenda Shqipërisë. Dje dhe sot, shqiptarë që...
BOTA
Akuzat e ngritura ndaj tij për "Shqipërinë e Madhe"/ Përgjigjet Ali Ahmeti: Po të doja, Maqedoninë do ta ndaja kur kisha 15 mijë ushtarë
PiranjatPërditësimi i fundit 5 Tetor 2025, 09:31
Kryetari i Bashkimit Demokratik për Integrim, Ali Ahmeti, ka komentua akuzat e ngritura ndaj tij, që e cilësojnë si ndjekës të ideve për krijimin e "Shqipërisë së Madhe". Në një intervistë televizive, Ahmeti ka sqaruar se, po të kishte pasur dëshirë për një të tillë, do ta kishte realizuar atë vite më parë, kur drejtonte Ushtrinë Çlirimtare Kombëtare.
Ai ka theksuar se ka pasur mundësinë të nënshkruante një dokument që kundërshtonte idenë për një Maqedoni të Veriut multietnike, duke përmendur ish-kryeministrin Lupço Georgievskin, i cili është kundër shteteve multietnike. "Po të doja, Maqedoninë e Veriut do ta ndaja kur kisha 15 mijë ushtarë. Kam pasur elitën më të fortë të shqiptarëve të kombit, Ushtrinë Çlirimtare Kombëtare. E kam pasur dokumentin përpara, mjaftonte vetëm ta nënshkruaja dhe të ulesha me Georgievskin”, tha Ahmeti, duke theksuar se filozofia e tij është krejt ndryshe nga ajo e Georgievskit.
Në vijim, Ahmeti ka shprehur besimin e tij të palëkundur për mundësinë që Maqedonia e Veriut të bëhet një shtet multietnik i suksesshëm, duke e krahasuar me Zvicrën, një shtet me katër grupe etnike që bashkëjetojnë në harmoni. "Kam jetuar në Zvicër dhe e di si funksionon një shtet me katër kombe. Pse të mos funksionojë edhe Maqedonia e Veriut?", u shpreh ai.
Ai gjithashtu ka ripërsëritur angazhimin e tij për një Maqedoni të bashkuar dhe të barabartë për të gjitha grupet etnike, duke e quajtur këtë si një mundësi për të ardhmen e vendit. "Unë kam thënë që nga viti 2001 se Maqedonia e Veriut mund të bëhet Zvicra e Ballkanit Perëndimor", tha Ahmeti, duke theksuar se mbetet i palëkundur në qëndrimin e tij për një Maqedoni anëtare të Bashkimit Evropian dhe pa kufij të brendshëm mes etnive.
Ahmeti bëri të qartë se nuk ka asnjë qëllim për të ndarë Maqedoninë, por për të siguruar një shtet ku të gjithë qytetarët janë të barabartë dhe të kenë mundësi të jetojnë në paqe dhe harmoni, përmes një model të ngjashëm me Zvicrën.
