Ergys Agasi i është drejtuar Gjykatës së Posaçme kundër Korrupsionit dhe Krimit të Organizuar (GJKKO), duke kërkuar ...
BOTA
Amazon shkurton 30 mijë vende pune
PiranjatPërditësimi i fundit 28 Tetor 2025, 11:34
Amazon parashikon të shkarkojë deri në 30,000 vende pune, duke filluar nga nesër.
Qëllimi i kompanisë është të ulë shpenzimet dhe të kompensojë punësimet e bëra gjatë kulmit të kërkesës, që u regjistrua gjatë pandemisë. Kjo raportohet nga agjencia “Reuters”.
Shifra përfaqëson një përqindje të vogël të 1.55 milion punonjësve totalë të Amazon, përfshirë punonjësit e ndërmarrjeve të lidhura, përqindje që rritet gati në 10% nëse merret parasysh se janë 350,000 punonjës në total.
Ky do të ishte shkarkimi më i madh në Amazon që nga fundi i vitit 2022, kur 27,000 persona humbën vendin e punës.
Shkarkimet mund të kenë ndikim në disa divizione brenda kompanisë, përfshirë atë të burimeve njerëzore. Shkarkimet do komunikohen me e-mail që nesër në mëngjes.
Gjigandi i e-commerce, nga ana tjetër, po shtyn përshpejtimin e automatizimit, duke mos pasur nevojë për punësimin e 600,000 punonjësve deri në vitin 2033, vetëm në Shtetet e Bashkuara.
Lajmi u dha në mënyrë ekskluzive disa ditë më parë nga “New York Times”, i cili raporton se ka folur me burime të brendshme (që do të mbeten anonime) dhe ka parë një seri dokumentesh strategjike që zbulojnë se drejtuesit e kompanisë së themeluar nga Jeff Bezos mendojnë se kompania është në prag të një ndryshimi të madh: zëvendësimi i më shumë se gjysmës së milioni vende pune, me robotë.
