Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
Ankesa për kushtet e punës, punonjësit e Muzeut historik të Vatikanit letër kardinalit Alzaga: Do të shkojmë në gjyq
n.fPërditësimi i fundit 12 Maj 2024, 22:52
Foto ilustruese
VATIKAN- Punonjësit e Muzeut historik të Vatikanit janë ankuar se kushtet e tyre të punës janë problematike. Në një letër që po firmosin ata kërkojnë përmirësimin e menjëhershëm të kushteve të punës. 49 punëtorët janë të gjithë roje sigurie, me përjashtim të një punonjësi mirëmbajtjeje dhe një punonjësi në librarinë e brendshme të Muzeut. Përmes një letër drejtuar kardinalit Fernando Verguez Alzaga, kreut të “qeverisjes vendore” të Vatikanit, ata kërkojnë ndryshimin e kushteve të punës, duke shtuar se në të kundërt do të shkojnë në gjykatë.
49 nga gjithsej 700 punonjësit e Muzeut Vaticani nënvizojnë se në rast sëmundjeje detyrohen të qëndrojnë gjatë gjithë ditës në shtëpi duke pritur vizitën e mjekut gjë e cila sjell që ata të paguhen më pak se orari normal i punës. Grupi i punëtorëve të Muzeve të Selisë së Shenjtë, në fund, shton se nuk ka fond papunësie apo forma të tjera të mbështetjes së të ardhurave emergjente dhe se pavarësisht se vizitorët në sallat e Muzeut i kalojnë 35 mijë në ditë, nuk ka asnjë kompensim për rrezikun e punonjësit shëndetësor ndaj të cilit punëtorët janë vazhdimisht të ekspozuar.
