Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
Arkeologët zbulojnë një banjo luksoze në Pompei, besohet se është më e madhja e gjetur ndonjëherë
n.fPërditësimi i fundit 17 Janar 2025, 10:02
Banjo ne Pompei
ITALI- Një banjë ultra-luksoze është zbuluar si pjesë e një gërmimi të madh në qytetin e lashtë romak të Pompeit. Ky është një zbulim që ndodh një herë në shekull. Arkeologët zbuluan banjën private ultraluksoze - ndoshta më e madhja e gjetur ndonjëherë atje - me hapësira të stilit të hamamit, vepra arti të shkëlqyera dhe një pishinë të madhe.
Banja është pjesë e një rezidence luksoze që u zbulua në dy vitet e fundit dhe daton deri në 2000 vjet. Gabriel Zuchtriegel, drejtor i Parkut Arkeologjik të Pompeit, i cili zbuloi banjën u shpreh se këto vende janë pjesë e fenomenit të Pompeit dhe duket sikur njerëzit të ishin larguar vetëm një minutë më parë.
Pompei ishte një nga qytetet më të bukura të Perandorisë Romake. Klima ishte e butë dhe toka e saj pjellore. Shumë shtëpi kishin pamje nga deti. Qyteti shtrihej në 60 hektarë, kishte tetë porta dhe njëmbëdhjetë kulla vrojtimi për sigurinë e qytetarëve.
Pompei gjithashtu kishte shtëpi të pasura dhe shumë qytetarë të pasur që kalonin kohën e tyre në banja dhe pishina luksoze. Qytetarët e pasur të Pompeit kishin pallate luksoze, me kolonada në oborre, mozaikë të përpunuar në dysheme dhe afreske dhe afreske mbresëlënëse.
