Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
BOTA
Armëpushimi i përkohshëm në Ukrainë/ Reagon Shtëpia e Bardhë: Trump bën thirrje për armëpushim të përhershëm, jo pauza!
E.DPërditësimi i fundit 28 Prill 2025, 15:38
SHBA- Zëdhënësja e Shtëpisë së Bardhë Caroline Levitt ka dhënë një deklaratë menjëherë pasi Vladimir Putin njoftoi një armëpushim të përkohshëm nga 8 deri më 11 maj, me rastin e festimeve për 80-vjetorin e përfundimit të Luftës së Dytë Botërore.
Levitt në deklaratën e saj theksoi se Presidenti amerikan Donald Trump e ka bërë të qartë se kërkon një armëpushim të përhershëm në Ukrainë dhe jo ndërprerje të përkohshme të armiqësive.
"Ne e kuptojmë se Vladimir Putin ofroi një armëpushim të përkohshëm sot. Presidenti e ka bërë të qartë se dëshiron të shohë një armëpushim të përhershëm, në mënyrë që të ndalojë gjakderdhjen dhe vdekjet," tha Levitt.
Gjithashtu zëdhënësja vuri në dukje se Trump mbetet optimist se një marrëveshje mund të arrihet edhe pse ajo pranoi se presidenti amerikan është gjithnjë e më shumë i frustruar me të dyja palët pasi udhëheqësit e Ukrainës dhe Rusisë duhet të ulen në tryezën e bisedimeve.
Levitt theksoi se takimi midis dy liderëve tregoi se Trump dëshiron të jetë përsëri një president paqebërës, siç ishte në mandatin e tij të parë, duke vënë në dukje se ai synon ta arrijë përsëri.
Pavarësisht vështirësive, Trump tha të dielën mbrëma se presidentin ukrainas Volodymyr Zelenskyy të ishte më i qetë në takimin e tyre në Bazilikën e Shën Pjetrit gjatë fundjavës.
