Dritare të thyera, njolla zjarri nëpër mure: ministria e Arsimit në Tiranë mbart gjurmët e protestave të ditëve të...
BOTA
Asistenti i politikanit të ekstremit të djathtë në Gjermani shpallet fajtor për spiunazh ndaj Kinës
PiranjatPërditësimi i fundit 30 Shtator 2025, 12:26
Një ish-asistent i një anëtari të Parlamentit Europian të ekstremit të djathtë është shpallur fajtor për spiunazh për Kinën. Jian G punoi në zyrën parlamentare të Maximilian Krah, një anëtar i partisë Alternativa për Gjermaninë (AfD), i cili ishte anëtar i Parlamentit Europian midis viteve 2019 dhe 2025.
Prokurorët thanë se zoti G, emri i plotë i të cilit nuk është bërë i ditur në përputhje me ligjet e privatësisë të Gjermanisë, kishte punuar për një shërbim sekret kinez që nga viti 2002. Gjykata e Lartë Rajonale e Dresdenit dëgjoi se shtetasi gjerman ishte akuzuar për punë për një shërbim inteligjence kineze dhe për dhënie të përsëritur informacionesh mbi negociatat dhe vendimet në Parlamentin e BE-së, ndërsa punonte për zt. Krah midis shtatorit 2019 dhe prillit të vitit të kaluar.
Pekini ka mohuar akuzat për spiunazh në Evropë. Ministria e jashtme e Kinës tha më parë se raportet për spiunazh ishin të gjitha "të ekzagjeruara me qëllim njollosjen dhe shtypjen e Kinës". Krah, një figurë kontroverse edhe brenda partisë së tij, aktualisht akuzohet për pastrim parash dhe ryshfet nga Kina gjatë kohës që ishte në Parlamentin Europian. Ai i hedh poshtë pretendimet dhe thotë se ato janë të motivuara politikisht.
AfD vitin e kaluar e ndaloi Krah nga zgjedhjet e BE-së, disa javë pasi ai i tha një gazete italiane se jo të gjithë anëtarët e njësisë elitare SS të nazistëve ishin kriminelë lufte. Megjithatë, ai fitoi një vend në parlamentin gjerman më parë këtë vit si pjesë e fitoreve historike të partisë në Bundestag gjatë zgjedhjeve kombëtare.
