Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
BOTA
"Askush nuk është më i kualifikuar se unë"/ Biden: Vetëm Zoti mund të më nxjerrë nga gara presidenciale
E.DPërditësimi i fundit 6 Korrik 2024, 07:43
SHBA- Presidenti amerikan Joe Biden ka thënë se askush nuk është më i kualifikuar se ai për të qenë president ose për të fituar këto zgjedhje.
"Askush nuk është më i kualifikuar se unë". tha Joe Biden gjatë një interviste për ABC News.
Performanca zhgënjyese e 81-vjeçarit Biden në debatin me rivalin e tij republikan 78-vjeçar më 27 qershor ka bërë që disa demokratë të ngrenë çështjen e tërheqjes së kandidaturës së tij. Tashmë katër kongresmenë demokratë i kanë kërkuar Joe Biden që të largohet nga gara për Shtëpinë e Bardhë.
Presidenti Biden pranoi për të disatën herë se paraqitja e tij në telekonferencën e mëparshme me Donald Trump nuk i përmbushi pritjet, por theksoi se ishte një kllapë e keqe një incident i izoluar për shkak të të ftohtit që po e shqetësonte.
"Unë po ndihesha keq ... kisha një të ftohtë të keq atë ditë," tha ai.
Xhorxh Stefanopulos Gazetari me origjinë greke ngriti edhe çështjen e testit kognitiv që Donald Trump e ka kërkuar vazhdimisht, duke e pyetur presidentin Biden nëse do të ishte gati t'i nënshtrohej një vlerësimi të tillë. Presidenti amerikan u përgjigj se ushtrimi i detyrave të tij është i barabartë me një test kognitiv të cilit ai i nënshtrohet çdo ditë.
Ndonëse dukej më rehat në krahasim me paraqitjen e 27 qershorit, Joe Biden nuk iu shmang disa raste me fjalitë e paplota ose disi të shkëputura. Për 22 minuta, ai mbrojti me këmbëngulje kandidaturën e tij për një mandat të dytë në Shtëpinë e Bardhë, duke sfiduar sondazhet që i japin Donald Trump epërsinë dhe duke shprehur sigurinë e tij se kjo është një garë e ngushtë.
“Nëse Zoti i Plotfuqishëm do të vinte dhe do të më thoshte, Xho, largohu nga gara, do ta bëja. Por Zoti i Plotfuqishëm nuk do të vijë”," tha Biden.
Një tjetër kongresmen demokrat po i bën thirrje Presidentit Biden të tërheqë nominimin e tij Mike Quigley është bërë kongresmeni i katërt demokrat që i kërkon presidentit amerikan Joe Biden të largohet nga gara për Shtëpinë e Bardhë, katër muaj para zgjedhjeve presidenciale. Tre kongresmenët e tjerë demokratë që i kanë bërë thirrje Presidentit Biden të largohet nga gara zgjedhore janë Lloyd Doggett (Texas), Raul Grijalva (Arizona) dhe Seth Moulton (Masachusetts).
