ardit beshiri KLOS- Trupi i 29-vjeçarit, Ardit Beshiri është gjetur ditën e sotme pas gjashtë ditësh kërkimesh intens...
GAZA- Presidenti i SHBA Joe Biden do të ketë një bisedë telefonike me kryeministrin izraelit Benjamin Netanyahu sot, ndërsa Izraeli përgatit një ofensivë të gjerë kundër Rafah, në pjesën jugore të Rripit të Gazës, raportoi Shtëpia e Bardhë.
“Ne ia kemi bërë të qartë qeverisë izraelite pikëpamjen tonë për një pushtim tokësor në shkallë të gjerë të Rafahut dhe presidenti do të flasë me kryeministrin sot”, tha një zëdhënës i Këshillit të Sigurisë Kombëtare për AFP.
Po ashtu autoritetet Palestineze sot i bënë thirrje SHBA-ve që të parandalojnë pushtimin e Rafahut nga ushtria izraelite, e cila në mëngjes u bëri thirrje banorëve të disa lagjeve të këtij qyteti në pjesën jugore të Rripit të Gazës që të evakuohen.
“Ne i bëjmë thirrje administratës amerikane të ndërhyjë për të parandaluar këto masakra, për të cilat paralajmërojmë se do të ketë pasoja të rrezikshme”, thotë presidenca palestineze.
Më herët, Hamasi tha në një deklaratë se çdo sulm në Rafah nuk do të përbënte një shëtitje për forcat izraelite dhe tregoi se ishte plotësisht i përgatitur për të mbrojtur palestinezët atje. Nga ana e tij, zyrtari i Hamasit, Izzat al-Rasiq, tha sot se çdo operacion ushtarak i Izraelit në qytetin jugor të Gazës, Rafah, do të rrezikonte negociatat e armëpushimit.
SHBA- Industria e luksit ka humbur shkëlqimin, shkruan The Economist. Ngadalësimi i ekonomisë kineze dhe kriza e kostos së jetesës n&...
TIRANA- Vlera e kredive të fshira nga sektori bankar u rrit vitin e kaluar. Sipas të dhënave nga Banka e Shqipërisë gjatë vitit ...
TIRANË- Vendet e Rajonit kanë vijuar me rritje të fortë të pagave, edhe pse produktiviteti i punës nuk po ecën me të n...
TIRANA- Deklarata e Stabilitetit Financiar për 6-mujorin e dytë 2024 vlerëson se ecuria e sektorit financiar ishte pozitive, por ndërkoh&e...
