Revolta kundër ndërtimeve në Zvërnec nuk është kufizuar vetëm brenda Shqipërisë. Dje dhe sot, shqiptarë që...
BOTA
Bisedimet për paqe mes Ukrainës dhe Rusisë/ Meloni: Gatishmëria e Vatikanit për të pritur bisedimet mbi çështjen ukrainase është e vlefshme
m.lPërditësimi i fundit 22 Maj 2025, 22:47
ITALI- Kryeministrja italiane Giorgia Meloni, duke iu përgjigjur një pyetjeje përkatëse nga shtypi italian, iu referua pak më parë përpjekjeve që po bëhen aktualisht, me qëllim zhvillimin e bisedimeve të paqes midis Rusisë dhe Ukrainës.
"Këto ditë jemi në kontakt të vazhdueshëm me një sërë udhëheqësish si në Evropë ashtu edhe në Shtetet e Bashkuara. Fola me Presidentin Trump disa orë më parë dhe po punojmë për të filluar një raund të ri negociatash. Të gjithë po kontribuojnë dhe mendoj se Ukraina në veçanti po bën atë që është e nevojshme.
E konsideroj veçanërisht të vlefshme që Vatikani, dhe në veçanti Papa, kanë treguar se janë të gatshëm të presin bisedimet. Fola me Papa Leon të martën e kaluar. Në këtë fazë, bëhet referencë për këtë, si dhe për mundësi të tjera. Sidomos në lidhje me fazën e parë të negociatave, në nivel teknik po shqyrtohen mundësi të ndryshme.
Duhet të verifikohet gatishmëria e konsiderueshme e palëve të përfshira, si dhe mundësia e zbatimit realist. Megjithatë, unë besoj se përtej datave dhe vendeve të organizimit, duhet të zhvillohen biseda serioze në të cilat të gjithë pjesëmarrësit kanë vullnetin për të marrë pjesë dhe për të bërë hapa përpara. Ky është qëllimi ynë kryesor për një armëpushim dhe arritjen e një marrëveshjeje gjithëpërfshirëse paqeje e cila, siç ju kujtoj gjithmonë, nuk mund të mos përfshijë garanci sigurie për vendin që u sulmua, përkatësisht Ukrainën.
Aktualisht po punojmë me shumë udhëheqës evropianë dhe Shtetet e Bashkuara për të arritur sa më shpejt të jetë e mundur bisedime që do të fillojnë në një nivel teknik dhe gradualisht do të arrijnë në një nivel politik, për të cilin e konsideroj veçanërisht të vlefshme gatishmërinë e Vatikanit për të pritur takimet," tha Meloni.
