Ilir Meta ka reaguar në lidhje me gjyqin që po zhvillohet ndaj tij dhe bashkëshortes Monika Kryemadhi.
Me anë të një postimi n&...
BOTA
Biznesmeni u gjet i vdekur në Milano, djali arrestohet në Barcelonë. Si e tërhoqi babanë në kurthin vdekjeprurës për 250 mijë euro
PiranjatPërditësimi i fundit 27 Shkurt 2026, 18:44
Policia italiane, në kuadër të hetimeve të Prokurorisë së Milanos, ekzekutoi të premten në Barcelonë, Spanjë, një mandat-arresti europian për rrëmbim personi të rënduar me pasojë vdekjen ndaj djalit 34-vjeçar të Alexandru Adarici.
54-vjeçari, me shtetësi ukrainase dhe rumune, ish-bankier dhe menaxher biznesi ra më 23 janar nga një B&B në Milano.
Djali 34-vjeçar dyshohet se ka “bashkëpunuar” në rrëmbimin e të atit për ta detyruar “të transferonte 250 mijë euro në kriptovaluta”.
Për ngjarjen, po kërkohen të paktën edhe katër persona të tjerë që dyshohet se kanë marrë pjesë në rrëmbim. Ka qenë djali ai që e tërhoqi të atin në kurth së bashku me persona të tjerë, mbi të cilët tani përqendrohen hetimet e Policisë.
Këta persona mund të kenë qenë prej kohësh aktivë në këtë lloj zhvatjeje parash në kriptovaluta. Po verifikohet nëse 54-vjeçari është vrarë dhe më pas është hedhur nga dritarja.
Dinamika
Hetimet e Policisë së Milanos dhe të prokurorit Rosario Ferracane, siç thuhet në një njoftim të shpërndarë, “kanë bërë të mundur të vërtetohet se i dyshuari, pasi e ka bindur të atin, një ish-bankier dhe biznesmen aktiv, së bashku me të, në sektorin e financës dhe investimeve, të shkonte në Milano për të marrë pjesë në një ‘takim’ pune” në atë pallat, “ka bashkëpunuar në rrëmbimin e tij me qëllim detyrimin për të transferuar 250 mijë euro në kriptovaluta.”
Sipas hetimeve, 34-vjeçarit i “ngarkohet edhe rënia nga dritarja e apartamentit” e ish-bankierit, edhe për faktin se djali ishte i vetmi “person i pranishëm në dhomë në momentin” e atij fluturimi nga kati i katërt. Ekspertizat teknike ka rindërtuar “historinë” e 54-vjeçarit dhe “lëvizjet e tij” dhe, “përmes analizës së kamerave dhe tabulateve telefonike, ka qenë e mundur të rikonstruktohen lëvizjet” e djalit, “duke vërtetuar rolin e tij në vdekjen e të atit”.
Në hetime, në bashkëpunim me Europol dhe Eurojust, morën pjesë edhe forcat e policisë spanjolle, në veçanti ato të Barcelonës, të cilat të premten në mëngjes ekzekutuan mandatin e arrestit.
Në misterin rreth vdekjes së ish-bankierit ukrainas, pas disa ditësh dyshimet u përqendruan pikërisht te djali, i cili ishte marrë në pyetje nga hetuesit spanjollë. Ai kishte rrëfyer një version pak të besueshëm, duke pretenduar se ai dhe i ati ishin rrëmbyer në atë apartament nga disa persona dhe se atij, megjithatë, i ishte thënë të kthehej në Spanjë, por pa e denoncuar ngjarjen.
Trupi i të atit, sipas ekzaminimeve mjeko-ligjore, kishte shenja dhune në qafë dhe në kyçe, të përputhshme me faktin se mund të ketë qenë i lidhur dhe i rrahur. Një burrë ishte parë atë pasdite të dilte në dritaren nga ku kishte rënë ish-bankieri dhe më pas i njëjti person, ishte parë duke dalë nga ndërtesa. Ai ishte kryqëzuar me kujdestaren, së cilës në anglisht e kishte pyetur se çfarë kishte ndodhur. /PiranjatNews/
