Kreu i degës së Partisë Demokratike në Krujë, Aulon Kalaja, ka denoncuar publikisht presione të dyshuara të policisë n...
BOTA
“Isha i dehur”/ Zbardhet dëshmia e shqiptarit që tentoi të përdhunonte të renë në Greqi, çfarë deklaroi
PiranjatPërditësimi i fundit 27 Shkurt 2026, 15:52
Mark Preçi, 64-vjeçari shqiptar i arrestuar në Greqi për tentativë përdhunimi ndaj një 25-vjeçareje me aftësi të kufizuara, ka dhënë dëshminë e tij para autoriteteve greke, duke pretenduar se ka qenë në gjendje të dehur në momentin e ngjarjes.
Sipas mediave greke, gjatë mbrojtjes së tij në gjykatë, i pandehuri ka deklaruar se kishte konsumuar sasi të madhe alkooli dhe se nuk mbante mend asgjë nga ajo që kishte ndodhur.
“Isha i dehur dhe nuk kujtoj veprimet e mia”, mësohet të ketë thënë ai gjatë seancës.
Ai ka pretenduar gjithashtu se ndodhej në banesën e 25-vjeçares me lejen e nënës së saj, e cila, sipas tij, i kishte dhënë çelësat e shtëpisë për t’ua treguar atë blerësve të mundshëm, pasi prona ishte në shitje. Gjatë hetimit, 64-vjeçari ka paraqitur edhe një kërkesë për t’iu nënshtruar një vlerësimi psikiatrik.
Ndërkohë, autoritetet greke e akuzojnë atë për sulm seksual ndaj 25-vjeçares me aftësi të kufizuara, si edhe për përpjekje për të përdhunuar motrën e saj binjake, e cila gjithashtu është me aftësi të kufizuara.
Sipas raportimeve, çështja pritet të vijojë në gjykatë, ndërsa hetimet janë ende në zhvillim.
