Personi në foto, efektivi i ‘Shqiponjave’ Edison Adri, i cili mbeti i plagosur gjatë operacionit policor të zhvilluar në zon&e...
BOTA
BQE ul normat në 2.25% mes luftës tregtare të Trump
n.fPërditësimi i fundit 17 Prill 2025, 16:43
SHBA- Rritja dhe inflacioni pritet të ngadalësohen ndërsa bankierët e BQE përgatiten për ndikimin e tarifave. Banka Qendrore Europiane uli normën bazë të interesit me një çerek pike në 2.25 %, ndërsa përgatitet për pasojat ekonomike nga lufta tregtare e ndezur nga presidenti amerikan Donald Trump.
Ulja e së enjtes, e cila i sjell kostot e huamarrjes në Eurozonë në nivelin më të ulët në më shumë se dy vjet, ishte pritur gjerësisht pas njoftimit të Trump për tarifa gjithëpërfshirëse për shumicën e partnerëve tregtarë të SHBA-së më 2 prill.
Përpara vendimit, presidenti amerikan krahasoi rekordin e uljes së normave të BQE-së me Rezervën Federale të SHBA-së, e cila mbajti në pritje normat në mbledhjen e fundit në mars. Trump tha se kryetari i Fed, Jay Powell, i cili paralajmëroi të mërkurën për ndikimin e tarifave në rritjen dhe inflacionin e SHBA-së, ishte “gjithmonë SHUMË VONË DHE GABIM” dhe “fundi i tij do të vijë mjaft shpejt!”
Ulja e BQE-së këtë javë është ulja e shtatë, që nga fillimi i uljes së normës së depozitave qershorin e kaluar. Tregtarët presin të paktën dy reduktime të tjera tremujore deri në fund të këtij viti, sipas niveleve të nënkuptuara nga tregjet e SWAP para vendimit. Euro ndryshoi pak, në 1,136 dollarë menjëherë pas uljes.
Trump bëri një kthesë të pjesshme javën e kaluar, duke vonuar “tarifat reciproke” 20 % për mallrat e BE-së për 90 ditë, kohë gjatë së cilës do të zbatohet një normë 10 %. Por drejtuesit e lartë të bankës qendrore thonë se politikat e tij proteksioniste parashikohet të jenë një goditje negative ekonomike për zonën e euros.
BQE-ja po përballet tashmë me presione më të ngadalta të rritjes dhe uljes së çmimeve. Në mars, banka qendrore uli parashikimin e rritjes për vitin 2025 për Eurozonën në 0.9 % – reduktimi i gjashtë radhazi.
Inflacioni u ul muajin e kaluar në 2.2 % – pak mbi objektivin 2 % të BQE-së – ndërsa çmimet e shërbimeve u rritën me ritmin më të ngadaltë për gati tre vjet. Ekonomistët thonë se inflacioni mund të ulet më tej nga rënia e çmimit të naftës këtë muaj, rritja e fundit e euros ndaj dollarit dhe një rritje e mundshme e importeve kineze në Eurozonë. Të tre zhvillimet shihen gjerësisht si pasoja të politikës tregtare të Trump, të paktën pjesërisht.
Por rritja e shpenzimeve të financuara nga borxhi në Gjermani dhe gjetkë në Eurozonë, mund të ndikojnë në rritjen e inflacionit. / Monitor
