Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
BOTA
Cameron: Ndalimi i shitjeve të armëve në Izrael do ta forcojë Hamasin
e. dPërditësimi i fundit 12 Maj 2024, 15:52
David Cameron
MBRETËRIA E BASHKUAR- Sekretari i Jashtëm i Mbretërisë së Bashkuar, David Cameron tha se ndalimi i shitjeve të armëve britanike për Izraelin do të forconte Hamasin. Gjithashtu Izraeli përsëri së fundmi ka urdhëruar palestinezët që të evakuohen nga Rafahu i Gazës, si një tregues se ai do të vazhdojë me planet e tij për një sulm tokësor në qytet, pavarësisht kërcënimeve të SHBA-së se nëse e bën atë atëherë amerikanët do të ndalojnë furnizimin e tij me armë.
Cameron tha se ai nuk e mbështeste një operacion në Rafah, në mungesë të një plani për të mbrojtur qindra mijëra civilë të strehuar aty. Megjithatë, britanikët kanë “një tjetër mendim” nga SHBA-ja për sa i përket shitjes së armëve për Izraelin, duke theksuar se më pak se një për qind e armëve të Izraelit që dërgohen nga Britania e Madhe kontrollohen nga një sistem i rreptë licencimi.
“Ne mund të bëjmë një lloj mesazhi politik dhe të themi se do të bëjmë atë hap politik. Herën e fundit që më kërkuan ta bëja këtë (…), vetëm disa ditë më vonë pati një sulm brutal nga Irani ndaj Izraelit, duke përfshirë 140 raketa lundrimi," tha ai.
Sipas Cameron, përgjigja më e mirë do të ishte që Hamasi të pranonte një marrëveshje pengjesh.
“Nëse ne e ndryshojmë qasjen tonë ndaj eksporteve të armëve, kjo do ta forconte Hamasin dhe do ta bënte një marrëveshje pengjesh më pak të mundshme”, tha Cameron.
Presidentja e Komisionit Evropian, Ursula von der Leyen, me presidentin ukrainas Volodymyr Zelensky. (Fotografi nga arkivi)
BRUKSEL- Bashkimi Evropian (BE)...
