Bordi i Transparencës ka njoftuar se çmimi i shitjes me pakicë i nënproduktit gazoil i standardit SSH EN 590 të jetë jo më...
BOTA
Dalin dokumentet e reja nga dosja Epstein, disa prej tyre pornografike
PiranjatPërditësimi i fundit 30 Janar 2026, 20:47
Departamenti i Drejtësisë i SHBA-ve ka publikuar këtë të premte një pjesë të re të dokumenteve të lidhura me hetimin e Jeffrey Epstein, duke përfshirë mbi 3 milionë faqe, si dhe 2 mijë video dhe rreth 180 mijë imazhe. Publikimi shënon një hap të madh në përmbushjen e afatit të vendosur nga Kongresi, i cili kërkon që të gjitha dosjet të bëhen publike deri më 19 dhjetor 2025.
CNN shkruan se dokumentet e reja hapen me një faqe verifikimi për moshën, ku përdoruesit pyeten nëse janë mbi 18 vjeç.
Zëvendës Prokurori i Përgjithshëm, Todd Blanche, tha se materialet e publikuara përfshijnë sasi të mëdha pornografie komerciale dhe imazhe të sekuestruara nga pajisjet e Epstein, por jo domosdoshmërisht të krijuara prej tij ose nga persona pranë tij.
“Ato përfshijnë sasi të mëdha pornografie komerciale dhe imazhe të sekuestruara nga pajisjet e Epstein, por që nuk i ka bërë ai, ose që nuk i ka bërë dikush pranë tij,” tha Blanche.
Çfarë nuk është publikuar
Blanche sqaroi se disa kategori dokumentesh janë mbajtur të fshehta, sipas ligjit:
-Informacion personalisht i identifikueshëm i viktimave.
-Dosje personale dhe mjekësore të viktimave, që do të përbënin shkelje të privatësisë.
-Çdo material që përmban abuzim seksual ndaj fëmijëve (CSAM) ose pornografi me të mitur.
-Çdo gjë që mund të rrezikojë një hetim federal aktiv.
-Imazhe që tregojnë vdekje, dhunë fizike ose lëndime.
-Dokumente të mbrojtura nga privilegje ligjore, si privilegji i procesit vendimmarrës, produkti i punës juridike dhe privilegji avokat-klient.
Blanche shtoi se, ndonëse ligji lejon mbajtjen e fshehtë të dokumenteve për arsye sigurie kombëtare ose politike të jashtme, asnjë dosje nuk është mbajtur e fshehtë për këto arsye. Departamenti i Drejtësisë ka pranuar më herët se deri tani ka publikuar më pak se 1% të dosjeve të lidhura me Epstein.
Publikimi i sotëm është një hap i madh drejt transparencës, por pritet që procesi të zgjasë edhe muaj të tërë.
