Kryetari i PD-së, Sali Berisha i bëri thirrje maxhorancës të anulojë një anti-miting të paralajmëruar për ta mbaj...
BOTA
Dhunoi brutalisht Medi Isenin, Dj Crax lirohet nga burgu
E.DPërditësimi i fundit 24 Tetor 2024, 17:11
KOSOVË- Bahtjar Bajraktari, i njohur për publikun si DJ Crax, është liruar nga burgu. Crax qëndori në burg më shumë se tre muaj pasi bashkë me rreperin e famshëm Rigles Rajkun (Noizy) dhunuan personazhin e famshëm të Tik Tok Medi Iseni. Gjithashtu Crax me kërkesë të Prokurorisë Themelore në Pejë u ekstradua në Kosovë tri ditë më parë. Zëdhënësi i Prokurorisë Themelore në Pejë, Shkodran Nikçi, tha se Prokurori i Shtetit ka kërkuar që ai të paraqitet një herë në javë në stacionin policor.
“I njëjti me urdhër-arrest të Prokurorisë Themelore në Pejë është arrestuar në Republikën e Shqipërisë dhe ka qëndruar mbi 70 ditë në paraburgim atje. Është ekstraduar nga Republika e Shqipërisë dhe i njëjti është ndaluar fillimisht për 48 orë pas intervistimit dhe njëkohësisht Prokurori i Shtetit ka kërkuar që i njëjti të paraqitet një herë në javë në stacionin policor”, tha Nikçi
Noizy dhe Crax janë akuzuar se kanë dhunuar brutalisht “Tik Tokerin” e famshëm Med Iseni në një nga clubet në Pejë teksa grupi OTR ishin ftuar për të performuar. Gjithashtu reperi i njohur Arkimed Lushaj ose ndryshe “Stresi”, është i shpallur në kërkim pasi akuzohet se ka ndihmuar në kanosjen e shtetasit Med Iseni. Ndërkohë Noizy është liruar disa ditë pas arrestimit pasi pagoi një garanci me vlerë prej 50 mijë euro ndërsa Dj i tij mbeti në paraburgim duke u liruar 3 muaj më vonë.
