"Do ta mbajë vendin larg luftërave dhe do të rindërtojë klasën e mesme!" Ish-kandidati i pavarur për president në SHBA, Robert F. Kennedy, shpreh mbështetjen për Trump

Robert F. Kennedy Jr. dhe Donald Trump

SHBA- Kandidati republikan për president, Donald Trump, mund të fitojë përkrahjen e një grupi votuesish të një kandidati tjetër që garon për Shtëpinë e Bardhë. Siç njofton nga Arizona, korrespondentja e Zërit të Amerikës, Carolyn Presutti kandidati i pavarur Robert F. Kennedy Jr. njoftoi të premten mbështetjen e tij për ish Presidentin Donald Trump gjatë një tubimi në qytetin Glendale ku të dy bënë fushatë së bashku. Kandidati i pavarur për Shtëpinë e Bardhë, Robert F. Kennedy Jr. ka njoftuar mbështetjen për ish Presidentin Donald Trump. Kennedy u shfaq në një tubim në Arizona pranë kandidatit Trump.

“A doni një president që do ta mbajë vendin larg luftërave dhe që do të rindërtojë klasën e mesme?”, tha në tubim Kennedy.

Ata ndanë me publikun rastet tragjike që kanë përjetuar. Në muajin korrik zoti Trump u plagos gjatë një tentative për ta vrarë atë. Babai dhe xhaxhai i zotit Kennedy, Prokurori i Përgjithshëm Robert F. Kennedy dhe Presidenti demokrat John F. Kennedy, që të dy u vranë. Zoti Trump bëri një premtim.

“Pasi të zgjidhem, do të krijoj një komision të ri të pavarur për të hetuar tentativat për vrasje, i ngarkuar me publikimin e të gjitha dokumenteve të mbetura në lidhje me vrasjen e Presidentit Kennedy”, tha zoti Trump.

Kur Robert F. Kennedy shpalli kandidaturën si i pavarur, anëtarët e familjes dolën në fushatë kundër tij duke mbështetur dyshen demokrate për Shtëpinë e Bardhë.

“Rizgjidhni Biden dhe Harris”, u shpreh në atë kohë motra e zotit Kennedy, Kerry.

Kandidati Kennedy është një figurë e debatueshme që ka vënë në dyshim vaksinat, dhe ka mbështetur teoritë e konspiracionit për sulmin e 11 shtatorit kundër Shteteve të Bashkuara. Babai i zonjës Mary Jo O’Rurke ka punuar për Presidentin John Kennedy në vitet 1960.

“Jam mbështetëse e vendosur e Kennedit. Mendoj se është koha që kandidati Kennedy të tërhiqet nga gara dhe të shijojë pjesën tjetër të jetës së tij”, tha mbështetësja e zonjës Harris.

Partia Demokrate pretendon përmes një deklarate se sondazhet tregojnë se “një pjesë e vogël e votuesve që mbështesin zotin Kennedy po ndahen mes Nënpresidentes Harris dhe republikanit Trump”. Disa analistë thonë se mbështetësit e zotit Kennedy mund të mos votojnë fare. Të tjerët parashikojnë një mbështetje afatshkurtër për zotin Trump.

“E ndihmon paksa Donald Trumpin. Në përgjithësi do të jetë një garë e ngushtë mes dy kandidatëve, dy partive. Vota e të pavarurve do të ketë rëndësi vetëm në shtetet fushëbetejë”, thotë John Fortier nga Instituti American Enterprise.

Mbështetësit e Trump e mirëpresin vendimin e zotit Kennedy.

“Ata po tregojnë se partia e xhaxhait dhe babait të tij, e familjes Kennedy, nuk është më e njëjta parti”, thotë Karen Preul, mbështetëse e kandidatit Trump.

“Shohim dy amerikanë që qëndrojnë së bashku dhe në të vërtetë duan atë që është më e mira për ne”, thotë Nathaniel Parson një mbështetës republikan.

Në të kaluarën, të dy ata e kanë kritikuar ashpër njëri-tjetrin. Por siç është vënë re gjatë këtij viti zgjedhor, armiqtë e dikurshëm ndryshojnë qëndrimin kur largohen nga gara./ VOA

robert f. kennedy jr. dhe donald trump

Artikuj te sugjeruar

M.B. BOTA 25 Gusht16:23

"E kuptojnë se nuk do të jetë qeveria apo ushtria libaneze ajo që vendos!" Konflikti në Lindjen e Mesme/ Libanezët të frikësuar për luftë gjithëpërfshirëse

LINDJE E MESME- Ekziston frika në mesin e libanezëve për sa i përket situatës në vendin e tyre. Mediat e huaja sh...

M.B. BOTA 25 Gusht15:55

"Të ndihmoj të rilidhesh me djalin!" Përdhunoi ish-të dashurën 16-vjeçare të të birit, 44-vjeçari në Greqi: Të kam si vajzën time

GREQIA- Rasti i përdhunimit të një të miture nga një 44-vjeçar në Colonos të Greqisë ka tronditur opinioni...

I.A BOTA 25 Gusht14:50

Nëntë të plagosur nga sulmet ruse në Ukrainë, 5 të vrarë nga granatimet e Kievit në Belgorod

UKRAINË- Së paku nëntë njerëz janë plagosur në rajonet Harkiv dhe Donjeck të Ukrainës, pasi forcat ruse kryen sul...

I.A BOTA 25 Gusht09:17

Kandidat për zv.president në SHBA/ Tim Walz me rrënjë gjermane

SHBA- Kandidati i demokratëve për zëvendëspresident në SHBA, Tim Walz i ka rrënjët gjermane në zonën veriore...

I.A BOTA 25 Gusht08:59

Sapo shkeli në tokën franceze, arrestohet themeluesi i Telegram Pavel Durov

FRANCË- Shefi ekzekutiv i Telegram, Pavel Durov është arrestuar nga policia franceze në një aeroport në veri të Parisit. Du...

I.A BOTA 25 Gusht08:47

Netanyahu pas sulemeve të Hezbollahut : Kushdo që na lëndon, ne i lëndojmë ata

IZRAEL- Kryeministri izraelit Benjamin Netanyahu ka folur në fillim të një takimi urgjent të kabinetit të sigurisë kombëtar...

I.A BOTA 24 Gusht19:41

Një kategori e re në census për amerikanët me origjinë nga Lindja e Mesme dhe Afrika Veriore

SHBA- Në regjistrimin e ardhshëm të popullsisë në vitin 2030, amerikanët të cilët janë me prejardhje nga Lindja e...

I.A BOTA 24 Gusht17:13

Jorn Rohde: Aktualisht nuk bëhet fjalë për hapjen e urës mbi lumin Ibër

Jorn Rohde KOSOVË- Ambasadori gjerman në Kosovë, Jorn Rohde, ka ripërsëritur qëndrimin e shtetit gjerman për hapjen e Ur...

I.A BOTA 24 Gusht16:59

Zelenskiy i vendosur: Do ta detyrojmë Putinin t'i japë fund luftës përmes diplomacisë

UKRAINË- Presidenti Volodymyr Zelenskiy tha të shtunën se Ukraina do të bënte gjithçka për të detyruar Presidentin r...

I.A BOTA 24 Gusht16:38

Ekspertët të shqetësuar mbi sigurinë e centralit bërthamor të Zaporizhias

UKRAINË- Agjencia Ndërkombëtare e Energjisë Bërthamore njoftoi rreth mesit të muajit gusht se përfaqësuesit e saj kish...