Sami Sheen, vajza e aktorit të njohur Charlie Sheen dhe aktores Denise Richards, ka reaguar publikisht ndaj pretendimeve se jeta e saj luksoze financohet...
BOTA
Dobësim i mardhënies SHBA-Gjermani? Merz viziton vendet e Gjirit Persik, kërkon partneritet strategjik
PiranjatPërditësimi i fundit 4 Shkurt 2026, 09:04
Fakti që shtetet e rëndësishme të Gjirit Persik, Arabia Saudite, Katari dhe Emiratet e Bashkuara Arabe ndërkohë kanë koniunkturë të lartë për qeverinë gjermane, mund të shihet lehtësisht në të gjitha aeroportet e kryeqyteteve të këtyre vendeve: Ndërkohë që në Arabinë Saudite ndodhej ministri i Mjedisit, socialdemokrati Carsten Schneider, ateroi avioni me ministren e Ekonomisë, kristiandemokraten Katherina Reiche, në bord, e cila vuri në dukje, përse ky intensitet: “Nëse partneritetet, tek të cilat ke pasur besim dekada të tëra, fillojnë të pësojnë krisje, duhet të kërkojmë partnerë të rinj.” Partnerë kërkohen në fushën e energjisë dhe për projektet e armatimit.
Pikërisht këtë ka në fokus këtë javë – nga 4 deri më 6 shkurt – edhe kancelari Friedrich Merz, i cili udhëton fillimisht për në Arabinë Saudite për të vazhduar në Katar e në fundjavë në Emirate. Të gjitha këto brenda 72 orësh. Synimi është të intesifikohen kontaktet ekonomike dhe për marrëveshje të qendrueshme, në një kohë kur është gjithnjë e më pak është e qartë, se sa Europa dhe Gjermania mund të vazhdojnë të mbështeten tek partnerë deri tani të rëndësishëm si SHBA-ja.
Së pari India, tani Gjiri Persik dhe më pas Kina
Ndaj aktualisht në zyrën e kancelarit bëhet fjalë për “partneritete të reja strategjike”, të tilla si me Indinë, që vizitoi së fundi kancelari. Në fund të shkurtit kancelari sipas planifikimit do të vizitojë Kinën. E ndërkohë vijojnë takimet në Gjirin Persik këto ditë.
Fjala magjike për marrëdhëniet gjermane me vendet e Gjirit është vazhdimisht energjia: Për shumë dekada vendet e Gjirit ishin shtetet furnizuese me naftë për Gjermaninë pa lëndë të para, qëkurse nisi lufta e Rusisë ndaj Ukrainës kjo temë po bëhet gjithnjë e më e rëndësishme. Kuota e lartë e gazit rus në BE është pakësuar masivisht, sot kuota e gazit të lëngshëm në furnizimet gjermane përbën gjithsej 10 përqind, më 2024 30 përqind vinin nga SHB-ja. Një kuotë, që sipas mendimit të qeverisë edhe mund edhe të ulet. Nëse p.sh. Arabia Saudite dhe Katari furnizojnë më shumë.
Gaz i lëngshëm për Gjermaninë, armë për vendet e Gjirit
Korrespondentja e DW-së Michaela Küfner, thotë lidhur me furnzimet me gaz se „aktualisht Uashingtoni është furnizuesi kryesor i gazit të lëngshëm në Europë. Nëse Europa nuk do që nga varësia e Rusisë të kalojë tek varësia ndaj SHBA-së, ajo ka nevojë për vendet klasike të eksportit të energjisë në Lindjen e Mesme. Kjo do të thotë edhe se eksportet e armatimeve në të ardhmen do të lëvrohen më me zemërgjerësi.” Por në fillim të vizitës qeveria nuk dëshironte të prononcohej konkretisht për projektet.
Dihet se Arabia Saudite dhe Katari kanë shprehur interes për avionin ushtarak Airbus të tipit A400 M. Dhe shumë projekte energjie së fundi nuk janë realizuar, sepse Katari ishte i interesuar për marrëveshje afatgjata furnizimi, ndërkohë që Gjermania preferon kontrata afatshkurtëra. Nga qarqet qeveritare mësohet, se ka gatishmëri për t’u bërë lëshime shteteve të Gjirit.
Kornelius: Eshtë i nevojshëm përmirësimi i të drejtave të njeriut
Merz gjatë turit të vizitave në Gjirin Persik shoqërohet nga një delegacion i madh ekonomik, por në Berlin shumë gazetarë shtrojnë pyetje në konferencën e shtypit, nëse Merz do të flasë lidhur me gjendjen e të drejtave të njeriut në tre shtetet e Gjirit. Zëdhënësi qeveritar Stefan Kornelius fundjavën e kaluar deklaroi, se: “Ne e kemi parë që Arabia Saudite ka ndërmarrë një kurs reformash me hapje kulturore dhe shoqërore. Kjo ka mundësuar edhe përmirësime sa u përket të drejtave të gruas. Megjithatë mbetet ende shumë për të bërë dhe janë të nevojshme përmirësime të mëtejshme, theksoi Kornelius.
Lajmet kryesore të lidhura me dosjet e ish-financierit kriminel Jeffrey Epstein fokusohen tek presidenti Donald Trump, ish-presidenti Bill Clinton, por e...
