Detaje të reja dhe zhvillime të bujshme vijnë nga hetimet për përplasjen me armë në Maliq, ku mbeti i vrarë një e...
BOTA
Dy operacione të ndara antiterroriste në Angli, arrestohen 8 persona
M.B.Përditësimi i fundit 4 Maj 2025, 09:24
ANGLI- Tetë persona janë arrestuar me dyshimin për vepra penale terroriste në dy operacione të ndara policore në Angli.
“Pesë u arrestuan në një operacion në vende të ndryshme në Angli të shtunën, si pjesë e një operacioni antiterrorist të paraplanifikuar për një komplot për të “shënjestruar një lokal specifik”, tha Policia metropolitane.
Katër prejt tyre, dy të moshës 29-vjeç, një 40-vjeç dhe një 46-vjeç, mësohet se janë shtetas iranianë. Policia tha se kombësia dhe mosha e të pestit ende po përcaktohet. Tre burra të tjerë, të gjithë iranianë, u arrestuan në Londër të shtunën, si pjesë e një hetimi të veçantë policor kundër terrorizmit.
Në operacionin në të cilin u arrestuan pesë persona, katër u ndaluan sipas Aktit të Terrorizmit. Personi i pestë u arrestua sipas Aktit të Policisë dhe Provave Penale (Pace). Të pesë u arrestuan me dyshimin për përgatitje të një akti terrorist. Ata u arrestuan në Swindon, Londrën perëndimore, Stockport, Rochdale dhe Manchester dhe mbeten në paraburgim policor. Policia tha se hetimi lidhej me një komplot të dyshuar për të synuar një “lokal specifik”.
“Vendi i prekur”, të cilin nuk e emërtoi, është njoftuar dhe po mbështetet nga policia. Hetimi po drejtohet nga komanda kundër terrorizmit metropolitane, e mbështetur nga oficerë të policisë së Greater Manchester dhe policisë së Wiltshire, si dhe oficerë të antiterrorizmit nga i gjithë vendi.
