Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
BOTA
E pabesueshme/ Punëtorët gjeorgjian duke rinovuan ndërtesën e vjetër, gjetën 1000 dhëmbë njeriu të varrosura në mure
e. dPërditësimi i fundit 14 Maj 2024, 17:30
foto ilustruese
GJEORGJI- Punëtorët e ndërtimit duke rinovuar një ndërtesë të vjetër në qytetin amerikan të Valdosta (Gjeorgji), gjetën rreth 1000 dhëmbë njeriu në mur. Dhëmbët ishin të gruposur në një mur në katin e dytë. Një foto, e cila më pas është bërë virale, i tregon ata të shpërndarë. Gjithashtu autoritetet e qytetit filluan menjëherë një hetim për këtë zbulim të pazakontë.
Ndërsa historianët pohojnë se në fillim të shekullit të XX-të, ndërtesa strehonte një ordinancë dentare të drejtuar nga Clarence Whittington. Pas tij, biznesin e mori doktor Lester G. Youmas, i cili punoi atje deri në vitet 1930.
“Ne nuk mund të gjejmë dikë nga familja e tij për të na dhënë më shumë informacion, por ne po përpiqemi ta bashkojmë këtë enigmë”, tha historiani Harry Evans.
Po ashtu ai shton se kjo nuk është hera e parë që gjenden dhëmbë në muret e një ndërtese, sepse ky fenomen tashmë është regjistruar në Greensboro dhe Carrollton, gjithashtu qytete në Gjeorgji.
“Do të jetë interesante të bëhen analizat e ADN-së. Nuk jam i tronditur nga zbulimi, më intereson më së shumti se cili dentist e ka bërë, kur dhe pse”, tha ai.
Por Evans theksoi se këta nuk janë dhëmbët më të vjetër të gjetur në një ndërtesë në Gjeorgji.
“Nuk jam i sigurt nëse ka qenë një zakon i stomatologëve të asaj kohe, por është shumë e çuditshme të flasim për këtë sot”, shtoi ai.
