Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
BOTA
E rëndë në Britani/ 15-vjeçari goditet për vdekje me thikë në shkollë nga bashkëmoshatari i tij, autori vihet në pranga
r.llPërditësimi i fundit 3 Shkurt 2025, 17:49
foto ilustruese
LONDËR- Një djalë 15-vjeçar ka humbur jetën në pasi u godit me thikë në një shkollë në Sheffield të Britanisë së Madhe. Ngjarja e rëndë ka ndodhur në shkollën e mesme Katolike All Saints në Granville Road. Sipas policisë i mituri kishte marrë lëndime të rënda dhe nuk ka mundur të mbijetojë pavarësisht se iu dha ndihma mjekësore menjëherë. Ndërkohë lidhur me vrasjen, një 15-vjeçar është arrestuar nga policia dhe ndodhet në paraburgim, shkruan Sky News.
Një zëdhënës i policisë u tha njerëzve që të shmangin zonën dhe ka siguruar prindërit se nuk konsiderohet të ketë një rrezik të mëtejshëm në shkollë. Ata njoftuan: “Pas një goditjeje me thikë në një shkollë në Sheffield, një djalë adoleshent është arrestuar nga policia dhe oficerët tanë janë në vendngjarje.
"Në orën 12:17 të mëngjesit të sotëm (e hënë, 3 shkurt) morëm raporte për një goditje me thikë në shkollën e mesme katolike All Saints në Granville Road në Sheffield. Një djalë 15-vjeçar ndodhet në spital me lëndime të rënda. Familja e tij është në dijeni. Shërbimet e urgjencës janë në vendngjarje dhe ambientet e shkollës aktualisht mbeten të mbyllura.
"Rruga Granville është e mbyllur nga stacioni i tramvajit në Rrugën Fitzwalter dhe ne po u bëjmë thirrje njerëzve që të shmangin zonën ndërsa shërbimet e urgjencës kryejnë punën e tyre. Ne dëshirojmë të sigurojmë prindërit e nxënësve se nuk mendojmë se ka një rrezik të mëtejshëm në shkolla dhe përditësimet e mëtejshme do të ndahen kur të jetë e mundur."
Ngjarja e rëndë vjen vetëm pesë ditë pasi e njëjta shkollë u mbyll prej kërcënimeve të dhunës midis dy studentëve të cilët më vonë u larguan jashtë vendit.
