Partia e djathtë gjermane Alternativa për Gjermaninë (AfD) ka kërkuar deportimin e më shumë se një milion refugjatëve,...
BOTA
Sulme të tjera në Iran? Donald Trump paralajmëron: Vala e madhe ende nuk ka ardhur
PiranjatPërditësimi i fundit 2 Mars 2026, 17:47
Presidenti i Shteteve të Bashkuara, Donald Trump, deklaroi se ushtria amerikane po e “shkatërron” Iranin, ndërsa paralajmëroi se faza më e fortë e ofensivës ende nuk ka nisur. Në një intervistë për CNN, Trump foli për ecurinë e konfliktit, reagimin e vendeve arabe dhe përpjekjet e dështuara për një marrëveshje me Teheranin.
I pyetur nga gazetari Jake Tapper nëse SHBA-të po bëjnë më shumë sesa vetëm ndërhyrje ushtarake për të ndihmuar popullin iranian, Trump u përgjigj se operacioni po ecën sipas planit.
“Po i shkatërrojmë shumë. Po shkon shumë mirë. Kemi ushtrinë më të madhe në botë dhe po e përdorim. Nuk dua që kjo të zgjasë shumë. Gjithmonë kam menduar se do të zgjasë katër javë dhe jemi përpara afatit. Por vala e madhe ende nuk ka ndodhur. Ajo do të vijë së shpejti”, tha ai, duke paralajmëruar qytetarët të qëndrojnë brenda për shkak të rreziqeve të sigurisë.
Trump u shpreh i habitur nga hakmarrja e përhapur e Iranit ndaj vendeve arabe si Bahrein, Jordan, Kuvajt, Katar dhe Emiratet e Bashkuara Arabe. Sipas tij, këto shtete fillimisht nuk dëshironin të përfshiheshin në konflikt, por pas sulmeve iraniane kanë kërkuar të jenë pjesë aktive.
“Ne u thamë atyre se e kishim situatën nën kontroll, por pas sulmeve ata tani duan të luftojnë dhe po e bëjnë këtë në mënyrë agresive. Sulmet ndaj hoteleve dhe pallateve i zemëruan”, tha presidenti amerikan. /PiranjatNews/
