Revolta kundër ndërtimeve në Zvërnec nuk është kufizuar vetëm brenda Shqipërisë. Dje dhe sot, shqiptarë që...
BOTA
Forumi Diplomatik i Antalias, Osmani takohet me Erdogan: Presidenti turk, një mik i dëshmuar dhe zë i fuqishëm i Kosovës
n.fPërditësimi i fundit 11 Prill 2025, 14:13
TURQI- Presidentja e Kosovës, Vjosa Osmani ka udhëtuar drejt Turqisë në kuadër të Forumit Diplomatik të Antalias. Osmani gjatë vizitës së saj në Turqi është takuar edhe me homologun e saj turk, Recep Tayyip Erdogan. Presidentja përmes një postimi në Facebook shkruan se se Erdogan është një mik i dëshmuar i Kosovës dhe një zë i fuqishëm për të drejtën.
“Presidenti Erdogan është lider që i qëndroi Kosovës pranë gjithmonë, në çdo sfide e në çdo sukses. Ai është një zë i fuqishëm i miqësisë dhe vizionit të përbashkët”, shkruan ajo.
Më tej Osmani thekson se presidenti turk është një mik i dëshmuar i Kosovës, një zë i fuqishëm për të drejtën e tyre, dhe një shtyllë e fortë mbështetjeje në çdo etapë të shtetndërtimit të vendit.
“Turqia është dhe do të mbetet një partner kyç për paqen, sigurinë dhe zhvillimin rajonal. Marrëdhëniet tona janë më shumë se miqësi, janë një partneritet i ndërtuar mbi besim, respekt dhe vizion të përbashkët për të ardhmen”, ka shkruar ajo.
Presidentja Osmani, me ftesë të Presidentit të Republikës së Turqisë, Recep Tayyip Erdogan, po qëndron në Turqi ku do të marrë pjesë në edicionin e katërt të Forumit Diplomatik të Antalias.
