Një aksident rrugor është regjistruar paraditen e kësaj të enjte (4 qershor 2026) në Tiranë, pranë Fabrikës s&eum...
BOTA
Fox News dëmshpërblen 787.5 mln$ Dominion, Murdoch shpëton nga dëshmia para jurisë
PiranjatPërditësimi i fundit 19 Prill 2023, 11:34
SHBA- Një marrëveshje është finalizuar tashmë mes rrjetit mediatik Fox News dhe kompanisë përgjegjëse për pajisjet e votimit në zgjedhjet amerikane Dominion. Marrëveshja e kripur me një vlerë prej 787.5 milionë dollarë për një padi për shpifje përmbyll një cikël që kishte nisur prej disa muajsh në mediat amerikane ku akuzohej Fox bashkë me rrjetin mëmë si përgjegjës dhe transmetues me vetëdije i pretendimeve të rreme se 'Dominion' ishte përfshirë në një komplot për vjedhjen e zgjedhjeve të 2020, ku fitoi Joe Biden përballë Donald Trump. Marrëveshja erdhi direkt pasi juria u betua për këtë çështje. Pas marrëveshjes, asnjëra palë nuk zbuloi kushtet përveç dëmshpërblimit. Edhe avokatët e kompanisë së makinerive të votimit Dominion, refuzuan tu përgjigjen pyetjeve nëse duan një falje formale nga Fox.
"Palët e kanë zgjidhur çështjen e tyre," tha gjyqtari Eric Davis, ndërsa avokati i Dominion, Justin Nelson tha se më shumë se 787 milionë dollarë përfaqësonin "shfajësim dhe llogaridhënie". Kompania kërkonte 1.6 miliard dollarë në padinë e çuar në gjykatë.
"E vërteta ka rëndësi. Gënjeshtrat kanë pasoja. E vërteta nuk njeh të kuqe apo blu. Njerëzit në të gjithë spektrin politik mund dhe duhet të mos pajtohen për çështje. Por që demokracia jonë të durojë edhe 250 vite të tjera dhe me shpresë shumë më gjatë, ne duhet të ndajmë një angazhim ndaj fakteve.”
Nga ana tjetër gjiganti mediatik tha se marrëveshja pasqyron "angazhimin e saj të vazhdueshëm ndaj standardeve më të larta gazetareske".
"Ne shpresojmë që vendimi ynë për të zgjidhur këtë mosmarrëveshje me Dominion në mënyrë miqësore, në vend të ashpërsisë së një gjyqi përçarës, do ti lejojë vendit të ecë përpara," thuhet në deklaratë.
Gjyqi mes Fox News dhe Dominion do të zhvillohej në Wilmington, Delaware dhe ishte parashikuar si një proces mediatik i suksesshëm. Rupert Murdoch, shefi ekzekutiv 92-vjeçar i Fox, u thirr për të dëshmuar në këtë rast, së bashku me talentin kryesor të Fox, duke përfshirë Tucker Carlson, Sean Hannity, Jeanine Pirro dhe Maria Bartiromo. Mbyllja e çështjes kursen dëshmitë publike për drejtuesit e Fox dhe Murdoch.
Padia u lexua si një nga përpjekjet më agresive që Fox të mbante përgjegjësi për përhapjen e gënjeshtrës se vjedhjet e vitit 2020 u vodhën. Kjo gënjeshtër çoi në kërcënime dhe nxiti sulmin e dhunshëm në Kapitol më 6 janar, ku vdiqën 9 persona. Dominion kishte zbuluar mesazhe dhe komunikime të brendshme nga Fox, ku shihej sesi gazetarë dhe mikpritësit e debatit e dinin se këto akuza për Dominion, ishin të rremë. Mesazhet treguan sesi disa nga prezantuesit më të fuqishëm në Amerikë e dinin që pretendimet që po transmetonin për audencën e tyre çdo nate, ishin të rreme.
Dominion, një kompani e panjohur deri para zgjedhjeve, kërkoi 1.6 miliardë dollarë dëmshpërblim në këtë rast. Kompania kundërshtoi pretendimet e përsëritura të bëra në transmetimin e Fox pas zgjedhjeve të përgjithshme se Dominion bëri ndërrim votash, mori ryshfet dhe manipuloi zgjedhjet në Venezuel për Hugo Chavez.
Në padi thuhej se pretendimet e rreme ishin pjesërisht një përpjekje për të tërhequr shikuesit që u zemëruan nga vendimi i Fox në natën e zgjedhjeve për të deklaruar saktë se kundërshtari i atëhershëm i Trump, Joe Biden, kishte fituar shtetin vendimtar të Arizonës.
Dy nga drejtuesit e Fox përgjegjës për vendimin e Arizonës humbën punën e tyre dy muaj më vonë.
Por si veproi Fox për akuzat ndaj kompanisë? Në materialin që u çua pranë Jurisë, shiheshin komunikimet ku vetë Murdoch thoshte se pretendimet se Dominion ka vjedhur votat në favor të Joe Bidenm janë "vërtet të çmendura", por sërish nuk mori asnjë veprim. Prezantuesi më i vlerësuar i rrjetit, Tucker Carlson në një sërë mesazhesh thoshte se pretendimet ishin të të "çmendura", ndërsa Sean Hannity, tha privatisht se nuk i besoi atyre "për asnjë sekondë". Por megjithatë, Fox krijoi panele dhe diskutime për këto akuza.
Pavarësisht pagesës së madhe, disa ekspertë ligjorë besojnë se zgjidhja ishte në përgjithësi një rezultat pozitiv për rrjetin.
Nëse do të kishte nisur gjyqi për shpifjen, juristët do të kishin për detyrë të përcaktonin nëse Fox News ka vepruar me "ligësi të vërtetë" duke transmetuar pretendime që e dinte se ishin të rreme.
Avokatja e çështjeve civile, Michelle Simpson Tuegel, i tha BBC-së se marrëveshja "flet për kërcënimin masiv që Fox pa nga kjo çështje gjyqësore".
"Dëmtimi i reputacionit të qëndrimit të drejtuesve, përfshirë kryetarin Rupert Murdoch, dhe mikpritësve, duket se i ka shtyrë palët drejt një zgjidhjeje," shtoi zonja Tuegel. Fox ende përballet me një padi të dytë, të ngjashme për shpifje nga një tjetër firmë e teknologjisë zgjedhore, Smartmatic, e cila po kërkon 2.7 miliardë dollarë. Dominion ka ende një proces gjyqësor në pritje kundër dy rrjeteve konservatore të lajmeve, OAN dhe Newsmax.
A mund të paguajë Fox News? Në një shkrim tjetër, BBC shkruan se shifra është rekord dhe një shënohet si një nga marrëveshjet më të mëdha financiare për raste të shpifjes.
"Është padyshim një shifër e madhe dhe ne nuk duhet ta hedhim poshtë këtë. Dua të them, është një shifër vërtet vërtet e madhe," i tha BBC-së Angelo Carusone, president i mbikëqyrësit të medias me prirje të majtë Media Matters për Amerikën.
Për ta vendosur pagesën në kontekst, kompania mëmë Fox Corporation raportoi të ardhura neto prej 1.23 miliardë dollarë për vitin e fundit financiar. Rezervat e kompanisë sipas dosjeve të fundit janë rreth 4 miliardë dollarë.
Rupert Murdoch dhe familja e tij - të cilët kontrollojnë perandorinë mediatike të News Corp, e cila përfshin Fox News, The Times of London dhe The ëall Street Journal - kanë një pasuri prej 17.6 miliardë dollarësh, sipas revistës Forbes./Dosja.al
