Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
Fox News: Medalja për Sorosin është një shuplakë për viktimat e krimeve
E.DPërditësimi i fundit 7 Janar 2025, 20:23
SHBA- Lëvizja e fundit e presidentit Biden për t'i dhënë Medaljen prestigjioze të Lirisë megadonatorit majtist, George Soros, ka ngjallur kritika si në mediat sociale ashtu edhe nga një ekspert i krimit që foli për Fox News Digital.
“Vendimi i presidentit Biden për t'i dhënë George Soros, Medaljen e Lirisë, është një shuplakë për qytetarët dhe viktimat e krimit që vuajnë nën politikat dhe politikanët që ai ka promovuar," tha Zack Smith, bashkëpunëtor ligjor i Heritage Foundation dhe bashkautor i librit "Prokurorët mashtrues".
Më tej ai tha: "Soros ka qenë një donator i madh për politikanët e ekstremit të majtë dhe ka promovuar politika që minojnë sundimin e ligjit në vendin tonë. Duke pasur parasysh përqafimin e këtyre politikave nga Biden, dhe financimin që Soros ka ofruar, kjo nuk duket si asgjë më shumë se një përpjekje për të shpërblyer dhe për të mbajtur të lumtur një nga donatorët kryesorë të së majtës (dhe familjen e tij)”.
Shtëpia e Bardhë në një deklaratë tha se çmimi, nderimi më i lartë civil i kombit, u jepet individëve që kanë dhënë kontribute shembullore për prosperitetin, vlerat ose sigurinë e Shteteve të Bashkuara, paqen botërore ose përpjekje të tjera të rëndësishme shoqërore, publike ose private.
Soros, një mega-donator i majtë, drejton një rrjet organizatash jofitimprurëse që financojnë kandidatë të ndryshëm në mbarë botën që përputhen me axhendën e tij progresive, duke përfshirë Fondacionet e tij të Shoqërisë së Hapur. Soros i ka dhënë mbi 32 miliardë dollarë Fondacioneve të Shoqërisë së Hapur që nga viti 1984, sipas faqes së saj të internetit.
Shtëpia e Bardhë tha se filantropia e Soros në të gjithë botën ka forcuar demokracinë, të drejtat e njeriut, arsimin dhe drejtësinë sociale. Konservatorët në mediat sociale nuk u pajtuan dhe thanë se dhënia e medaljes për Sorosin dërgoi mesazhin e gabuar, duke pasur parasysh efektet e supozuara që politikat e mbështetura nga Sorosi kanë pasur mbi krimin.
"Oficerët e policisë meritojnë Medaljen e Lirisë për trajtimin e kriminelëve të dhunshëm të liruar nga prokurorët e Sorosi," postoi senatori republikan, Tom Cotton, në X.
"George Soros është përgjegjës për shkatërrimin e shoqërisë amerikane. Qëllimi i tij është shkatërrimi i Perëndimit. Ai mbështet emigrantët e paligjshëm, Antifa, entuziastët e terrorit palestinez, përçarësit e kampusit, etj. Sigurisht që kjo është gjithçka e mrekullueshme në botën e Biden, kështu që ai po i jep Sorosit nderin më të lartë civil”, postoi avokatja konservatore Marina Medvin në X.
"Një parodi kjo që Biden po i jep Sorosit Medaljen e Lirisë," postoi CEO i Tesla-s dhe Space X, Elon Musk në X.
Një shenjë e qartë që Joe Biden e ka humbur mendjen ose nuk e ka kontrollin, postoi komentatori politik Richie Greenberg, i cili udhëhoqi përpjekjet për të tërhequr nga detyra prokuroren e qarkut të San Françiskos të mbështetur nga Soros, Chesa Boudin.. Pak janë ngritur në nivelin e kryearmikut të drejtësisë penale siç është bërë Soros. Kjo është një shuplakë për viktimat e panumërta të krimit të mundësuar nga prokurorët e Sorosit. Vërtet e neveritshme.
Ish-sekretarja e Shtetit Hillary Clinton iu dha gjithashtu Medalja e Lirisë të shtunën, duke shkaktuar zemërim të ngjashëm nga konservatorët. Clinton, tha se Shtëpia e Bardhë, bëri histori shumë herë gjatë dekadave në shërbimin publik. /Fox News
