Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
BOTA
Franca thyen rekordin e Italisë/ Torta më e madhe në botë tashmë është 121.88 metra e gjatë, u desh një javë që të përgatitej (VIDEO)
n.fPërditësimi i fundit 24 Prill 2025, 08:06
PARIS- Një pastiçeri pranë Parisit ka fituar një vend në Librin e Rekordeve Guinness për tortën më të madhe në botë Fraisier, e cila u certifikua të ishte 121.88 metra e gjatë. Torta u përgatit nga rreth 350 kilogramë luleshtrydhe, 150 kilogramë sheqer, 415 kilogramë krem pastiçeriedhe 4000 vezë.
Si rezultat, Franca rifitoi rekordin Guinness për tortën më të madhe Frazier, e cila mbahej nga Italia që nga viti 2019 me një ëmbëlsirë 100.48 metra të gjatë. Nisma i përket Maison Heloise, një pastiçeri e famshme në Argenteuil, një periferi veriore e Parisit.
Ideja lindi në mendjen Youssef El Ghatou, i cili pranon se ishte magjepsur nga Rekordet Botërore Guinness që fëmijë. Tortës që peshonte gjithsej 1.2 ton, iu desh një javë punë për t'u bërë. Sa i përket vendosjes së tij, organizatorët kanë punuar gjithë natën dhe një pjesë të madhe të ditës.
Në mënyrë që të miratohej nga komiteti i rekordeve botërore të Guinness, torta Frazier duhej të ishte të paktën 8 centimetra e gjerë dhe e gjatë dhe të ishte në një pjesë, jo në copa. Pas konfirmimit të rekordit, himni kombëtar francez u luajt në një atmosferë festive.
"Është një ëmbëlsirë kryesisht franceze," tha kryebashkiaku Georges Mauthron, duke shtuar se rekordi nuk ka të bëjë vetëm me "një arritje pastiçerie", por i kushtohet rajoneve të bukura të Francës.
